ត្រីខកំប៉ុងនាំចូលពីចិន ២ រកឃើញមានដង្កូវងាប់ក្នុងនោះ
- 2018-04-23 05:00:00
- ចំនួនមតិ 0 | ចំនួនចែករំលែក 0
ត្រីខកំប៉ុងនាំចូលពីចិន ២ រកឃើញមានដង្កូវងាប់ក្នុងនោះ
ត្រីខកំប៉ុងចំនួន ២ ប្រភេទដែលនាំចូលពីប្រទេសចិន ត្រូវបានគេប្រមូលយកទៅវិញ បន្ទាប់ពីរកឃើញថាមានផ្ទុកដង្កូវងាប់នៅក្នុងនោះ។
យោងតាមក្រសួងសុខាភិបាលរបស់ប្រទេសម៉ាឡេស៊ី បានឲ្យដឹងថា ត្រីខកំប៉ុងទាំង ២ ម៉ាកខាងលើ ត្រូវបានត្រួតពិនិត្យហើយរកឃើញថា ពួកវាមានផ្ទុកសត្វដង្កូវងាប់ (ប្រភេទ Nematode) មែន ក្រោយពីមានការបង្ហោះលើបណ្ដាញសង្គម Facebook។
អគ្គនាយកក្រសួងសុខាភិបាលម៉ាឡេស៊ី លោកវេជ្ជបណ្ឌិត Noor Hisham Abdullah បានឲ្យដឹងថា នាយកដ្ឋានផ្នែកសុវត្ថិភាព និងគុណភាពចំណីអាហារ បានធ្វើការវិភាគលើត្រីខកំប៉ុង ម៉ាក TL Tan Lung និង TLC ហើយបានរកឃើញថា ពួកវាមិនបានគោរពតាមច្បាប់ចំណីអាហារ Food Act 1983 ឡើយ។
គួររំលឹកឲ្យដឹងថា ទីភ្នាក់ងារត្រួតពិនិត្យចំណីអាហារ របស់ប្រទេសឥណ្ឌូនេស៊ី ក៏បានរកឃើញ និងធ្វើការណែនាំដូចគ្នា ឲ្យប្រមូលត្រីខកំប៉ុងមកវិញផងដែរ បន្ទាប់ពីរកឃើញដង្កូវងាប់នៅក្នុងនោះ កាលពីដើមខែកន្លងទៅនេះ៕
ចុចអាន៖ត្រឹមតែឆ្ពុងដោយប្រើគ្រឿងផ្សំ៣មុខនេះ អាចបានស្បែកមុខសស្អាត ម៉ត់រលោង និងបាត់មុន