សញ្ញាទាំង ៨ បង្ហាញពីការចង់ចាកចេញរបស់បុរស បើឃើញហើយឲ្យគេទៅចុះ
- 2018-04-19 08:00:00
- ចំនួនមតិ 0 | ចំនួនចែករំលែក 0
សញ្ញាទាំង ៨ បង្ហាញពីការចង់ចាកចេញរបស់បុរស បើឃើញហើយឲ្យគេទៅចុះ
ពេលនៅស្រលាញ់ អ្វីៗគឺល្អទាំងអស់ តែក្រោយពេលអស់ចិត្តហើយប្រុសៗនឹងចាប់ផ្ដើមបង្ហាញទង្វើទាំងនេះដាក់អ្នកជាមិនខាន។ បើឃើញសញ្ញាទាំងនេះហើយឲ្យគេទៅចុះ មិនបាច់ព្យាយាមធ្វើអ្វីទៀតទេ ព្រោះវានៅតែគ្មានន័យសម្រាប់អ្នកចង់ចេញ៖
១.ចេះនិយាយកុហកអ្នក៖ ទោះជាគ្មានបញ្ហាអ្វីធំដុំ ក៏គាត់មិននិយាយពាក្យពិតជាមួយអ្នកដែរ ព្រោះចង់ឲ្យអ្នកឆាប់អស់ចិត្ត ដើម្បីចាកចេញ។
២.និយាយជាមួយអ្នកដោយពាក្យកំបុតៗ៖ មនុស្សប្រុសអស់ចិត្តតែងប្រើសម្ដីបែបនេះជាមួយដៃគូ ព្រោះគេមិនចង់និយាយជាមួយប៉ុន្មានឡើយ។
៣.គាត់ជៀសវាងនិយាយរឿងអនាគតជាមួយអ្នក៖ នេះបង្ហាញយ៉ាងច្បាស់ថាគាត់មិនបានទុកអ្នកជាគូអនាគតទេ ហើយរឿងរ៉ាវផ្សេងៗទាក់ទងនឹងការងារ ក៏ដូចជាបញ្ហាស្មុគស្មាញលែងប្រាប់អ្នកឲ្យដឹងតែម្ដង។
៤.អ្នកគ្មានចំណែកក្នុងជីវិតគាត់៖ គាត់ចាប់ផ្ដើមធ្វើអ្វីដោយមិនបានគិត ឬទុកអ្នកជាចំណែកមួយក្នុងជីវិតគាត់ឡើយ ហើយបែរជាមិត្តភ័ក្ដិ ឬមនុស្សផ្សេងទៅវិញដែលគាត់ព្រួយបារម្ភ។
៥.លែងចាប់អារម្មណ៍នឹងអ្នក៖ ពីមុននៅពេលអ្នកស្លៀកពាក់ និងតុបតែងមុខស្អាត មិនស្អាតយ៉ាងណាគាត់ប្រាប់ជានិច្ច។ តែបើសង្កេតឃើញថារាល់សកម្មភាពអ្នក គាត់លែងខ្វល់ លែងនិយាយអ្វីហើយ នោះជាសញ្ញាអស់ចិត្តគ្មានស្ដាយស្រណោះសោះ។
៦.មិនចង់នៅជិតអ្នក៖ ធ្លាប់តែកៅអីមួយអង្គុយគ្នាពីរនាក់ ឬកន្លងមកធ្លាប់តែស្និទ្ធស្នាលគ្នា បែរជាឃើញអ្នកគាត់ទៅអង្គុយកន្លែងផ្សេង ពេលអ្នកទៅជិត គាត់នឹងក្រោកទៅកន្លែងផ្សេងទៀត។ ព្រោះមិនចង់នៅជិត។
៧.លែងនាំអ្នកទៅជួបគ្រួសារគាត់៖ ពីមុនអ្នកធ្លាប់តែជាភាគីបដិសេធមិនចង់ទៅលេងគ្រួសារខាងគាត់ តែឥឡូវទោះជាអ្នកសុំទៅ ក៏មិននាំទៅជួបដែរ។
៨.ឈប់ថែរក្សា៖ ការមើលថែទាំ បែរជាគ្មានទោះជាអ្នកឈឺជាយ៉ាងម៉េចក៏មិនខ្វល់ និយាយរួមគាត់បោះបង់អ្នកចោល ដោយមិនគិតពីគ្រាកន្លង។ នោះហើយជាភស្តុតាង ដូច្នេះអ្នកគួរតែដោះលែងគាត់តែម្ដងទៅ៕
ចុចអាន៖ទម្លាប់មិនល្អ ៥របស់ស្រីៗក្នុងរឿងស្នេហា ដែលធ្វើឲ្យដៃគូធុញ ចង់តែដាច់គ្នាម្ដងៗ