បើធ្លាប់ច្រណែនគេដែលល្អជាងខ្លួន គួរកែប្រែចេញតាមវិធីនេះមុនពេលជីវិតអាប់អួលើសមុន
- 2018-04-13 02:35:46
- ចំនួនមតិ 0 | ចំនួនចែករំលែក 0
បើធ្លាប់ច្រណែនគេដែលល្អជាងខ្លួន គួរកែប្រែចេញតាមវិធីនេះមុនពេលជីវិតអាប់អួលើសមុន
ដែលសួរខ្លួនឯងថាច្រណែនគេបានអីមកវិញអត់ ក្រៅពីក្ដៅក្រហាយខ្លួនឯង? បើធ្លាប់ច្រណែនគេដែលល្អជាងខ្លួន គួរកែប្រែចេញតាមវិធីនេះមុនពេលជីវិតអាប់អួលើសមុន ព្រោះបើអ្នកនៅតែបន្តជីវិតគ្មានអីក្រៅពីដេកពិបាកចិត្ត ដេកកើតទុក្ខព្រោះតែគេ ហើយស្អប់ខ្លួនឯងនោះទេ ៖
១. ឈប់ប្រៀបធៀប
ឲ្យតែការប្រៀបធៀបលេចចេញមក ការច្រណែនក៏តោងមកតាមដែរ ដូច្នេះអ្វីដែលសំខាន់បំផុតអ្នកត្រូវឈប់ប្រៀបធៀបខ្លួនឯងទៅអ្នកដទៃ។ បើអ្នកនៅតែប្រៀបធៀបជីវិតអ្នកគ្មានសេចក្ដីសុខទេព្រោះមនុស្សមានបុណ្យវាសនា មានការតស៊ូប្រឹងប្រែងខុសគ្នា។
**២. ចាប់ផ្ដើមមើលពីចំណុចល្អរបស់ខ្លួន**
មនុស្សម្នាក់ៗតែងមានចំណុចល្អ ចំណុចខ្លាំងរៀងខ្លួន ហេតុអីអ្នកមិនព្រមមើលឃើញ បែរជាមើលឃើញតែរបស់គេទៅវិញ? ចាប់ផ្ដើមមើលពីអ្វីដែលខ្លួនឯងមាន ហើយឈប់មើលពីគេក្នុងន័យបង្អាប់ខ្លួនឯង។
៣. ចេះទទួលយក និងផ្លាស់ប្ដូរ
បន្ទាប់ពីមើលពីចំណុចដែលខ្លួនឯងមានហើយ អ្នកត្រូវចេះទទួលយកចេះស្រឡាញ់ រីឯចំណុចខ្វះខាតវិញអ្នកត្រូវចេះផ្លាស់ប្ដូរ និងអភិវឌ្ឍវាទៅមុខ។ បើអ្នកមិនសូវមានលុយដូចគេ អ្នកត្រូវប្រឹងរក បើអ្នកស្អាតដូចគេអ្នកត្រូវប្រឹងថែខ្លួន ហើយបើអ្នកមិនសូវចេះអ្នកត្រូវប្រឹងរៀន មិនមែនដេកតែច្រណែនគេអ្នកទទួលបានអ្វីដូចគេនោះទេ។
៤. កុំសេពគប់ជាមួយអ្នកដែលចូលចិត្តនិយាយដើមគេ
គេថាដើរជាមួយបណ្ឌិតយើងនឹងក្លាយជាបណ្ឌិត ដើរជាមួយចោរយើងនឹងក្លាយជាចោរ ដូច្នេះដើម្បីកុំឲ្យជំងឺច្រណែនឈ្នានីសគេចូលខ្លួន អ្នកក៏ត្រូវមើលមនុស្សមុនដែរមុនពេលរាប់អានគ្នា។ បើគេជាមនុស្សដែលចូលចិត្តនិយាយដើម ច្រណែនគេ អ្នកត្រូវដើរចេញឲ្យឆ្ងាយ។
៥. បណ្ដុះចិត្តឲ្យត្រេកអរជាមួយជោគជ័យរបស់អ្នកដទៃ
កុំឃើញគេមាន គេបាន គេជោគជ័យឲ្យច្រណែនគេ ស្អប់គេ តែត្រូវចេះអបអរជំនួសគេនោះទើបផ្លូវចិត្តអ្នកមិនតានតឹង។ ឃើញគេល្អ ត្រូវប្រាប់ខ្លួនឯងថាប្រឹងបន្តិចទៅយើងនឹងល្អដូចគេហើយកុំច្រណែនគេអីព្រោះនោះជាបុណ្យ ជាការប្រឹងប្រែងរបស់គេ៕
ចុចអាន៖រាល់ថ្ងៃមនុស្សសប្បាយរីករាយតែងធ្វើរឿង ៦ យ៉ាងនេះ ដើម្បីសុភមង្គលខ្លួនឯង និងអ្នកដទៃ