បរាជ័យមិនគួរឲ្យខ្លាចដូចការបាក់ទឹកចិត្តទេ រៀនពីកំហុសខ្លួនឯងតាម ៣ចំណុចនេះវិញ

2018-04-11 04:30:00
ចំនួនមតិ 0 | ចំនួនចែករំលែក 0

តាំងពីកើតមករហូតដឹងក្តី នរណាខ្លះដែលថាមិនធ្លាប់ធ្វើខុស? មិនថាជាកំហុសតូចតាច ឬកំហុសធំដុំ វាសុទ្ធតែបន្សល់ទុកនូវអ្វីម្យ៉ាងដែលជាមេរៀនសម្រាប់ដំណើរជីវិតយើងនៅពេលក្រោយជាក់ជាមិនខាន។

រូបតំណាង

ដូច្នេះគ្មានអ្វីគួរឲ្យខ្លាចទេបើអ្នកបរាជ័យ ជារឿងធម្មតាក្នុងជីវិតដែលមនុស្សមិនអាចជៀសផុតបាន។ មករៀនពីកំហុសខ្លួនឯងតាមរយៈហេតុផលទាំង ៣ខាងក្រោមនេះវិញ៖

១. បរាជ័យជាមេរៀន៖ មិនបានន័យថាឲ្យអ្នកព្យាយាមបង្កើតភាពបរាជ័យឲ្យខ្លួនឯង ដើម្បីទទួលបានមេរៀនថ្មីទេ តែអ្នកក៏មិនអាចទាយដឹងពីផ្លូវជីវិតនៅខាងមុខដូចគ្នា ដូច្នេះអ្វី គ្រប់យ៉ាងសុទ្ធតែអាចកើតឡើងបានដោយគ្មានការព្រាងទុក។ ទោះអ្នកបានប្រាកដប្រជាជាមួយជម្រើសខ្លួនឯង ក៏មិនប្រាកដថាវានឹងជោគជ័យទាំងស្រុងដែរ តួយ៉ាងបើពិតជាថ្លោះធ្លោយត្រង់ណាមែន នោះហើយជាពេលដែលអ្នកត្រូវរៀនពីកំហុសឆ្គងដែលបណ្តាលឲ្យរឿងបែបនោះកើតឡើង។

រូបតំណាង

២. មនុស្សជោគជ័យធ្លាប់ដើរផ្លូវខុសច្រើនជាងផ្លូវត្រូវ៖ ពាក្យចាស់ពោលថាបើមិនឃើញខុសក៏មិនឃើញត្រូវ វាច្បាស់ណាស់បើអ្នកមិនធ្លាប់ធ្វើខុសផង ធ្វើម្តេចនឹងដឹងថាធ្វើត្រូវដោយរបៀបណា? មុននឹងក្លាយជាបុគ្គលដែលជោគជ័យ គេធ្លាប់បានភ្លក់រសជាតិនៃភាពបរាជ័យមិនតិចទេ នោះហើយជាមូលហេតុដែលធ្វើឲ្យគេដឹងពីគន្លឹះក្នុងការទប់ទល់ និងសម្លឹងធ្លុះទៅកាន់ស្ថានភាពនានាផ្សេងទៀតដែលពួកគេជួបប្រទះ។

៣. កុំមានការភិតភ័យ៖ ដូចនិយាយពីខាងដើម វាគ្មានអ្វីគួរឲ្យអស្ចារ្យទេ មនុស្សគ្រប់គ្នាសុទ្ធតែមិនអាចជៀសពីការសាងកំហុសបាន។ គួរកុំមានការភ័យខ្លាចអី ពេលខ្លះជីវិតយើងហាក់ដូចជាដំណើរផ្សងព្រេងដែរ ឆ្លងផុតពីព្យុះមួយត្រូវត្រៀមខ្លួនទប់ទល់នឹងព្យុះមួយដែលនៅខាងមុខតទៀត បរាជ័យនៅថ្ងៃនេះជាអ្វីដែលបង្រៀនអ្នកឲ្យកាន់តែរឹងមាំនៅថ្ងៃស្អែក៕

ចុចអាន៖ហេតុផលដែលធ្វើឲ្យអ្នកឆ្អែត លែងចង់ខ្វល់ខ្វាយការគិតអ្នកដទៃ

ប្រភព៖ ideapod ប្រែសម្រួល៖ អ៊ុង រ័ត្នបញ្ញា