ស្រីៗ បើសង្កេតឃើញខ្លួនឯងមានអាការៈផ្លាស់ប្ដូរ ៧នេះ ក្នុងវ័យ ៣០ កុំភ័យ ព្រោះជួបគ្រប់គ្នា
- 2018-04-10 12:00:00
- ចំនួនមតិ 0 | ចំនួនចែករំលែក 0
ស្រីៗ បើសង្កេតឃើញខ្លួនឯងមានអាការៈផ្លាស់ប្ដូរ ៧នេះ ក្នុងវ័យ ៣០ កុំភ័យ ព្រោះជួបគ្រប់គ្នា
ចូលមកដល់វ័យប៉ុណ្ណោះហើយ មនុស្សស្រីតែងតែមានការផ្លាស់ប្ដូរច្រើនផ្នែករាងកាយ ទាំងសុខភាព និងសម្រស់ គឺវិវត្តន៍ទៅមុខមិនឈប់ឡើយ។ នេះជាបញ្ហាទាំង ៧ ដែលមនុស្សស្រីវ័យ ៣០ ឆ្នាំជួប៖
១.ស្នាមជ្រួញលេចឡើង
បើយោងតាមវេជ្ជបណ្ឌិត Robin Ashinoff អ្នកឯកទេសខាងសើស្បែកឯមជ្ឈមណ្ឌលវេជ្ជសាស្ត្រនៅសាកលវិទ្យាល័យ Hackensack សហរដ្ឋអាមេរិក បានឲ្យដឹងថានៅអាយុ ៣០ ឆ្នាំស្នាមជ្រួញដែលជាសត្រូវធំបំផុតរបស់មនុស្សស្រី ចាប់ផ្ដើមឃើញច្រើនឡើងៗហើយ។ នោះគឺដោយសារការប៉ះពាល់នឹងកម្ដៅព្រះអាទិត្យច្រើន ធ្វើឲ្យស្បែកកាន់តែមានបញ្ហា មិនមែនដូចក្រុមក្មេងដែលមានការលូតលាស់។
**២.ទម្ងន់ឡើងមិនចុះ**
នៅពេលដែលអ្នកមានអាយុ ៣០ ឆ្នាំ ប្រព័ន្ធរំលាយអាហារនៅក្នុងរាងកាយរបស់អ្នកចាប់ផ្ដើមថយចុះ ធ្វើឲ្យកង្វះការគ្រប់គ្រងតុល្យភាពរាងកាយ បូករួមនឹងការ បរិភោគបន្លែបៃតងបានតិច ទើបធ្វើឲ្យស្រទាប់ជាតិខ្លាញ់កើនឡើងច្រើនហើយក្រាស់នៅក្រោមស្បែកពោះ ជាពិសេសគូទ និងភ្លៅ។
៣.មានអារម្មណ៍ថា មានជំងឺបាក់ទឹកចិត្តខ្ពស់
ការសិក្សាមួយកាលពីឆ្នាំ ២០១០ បានរកឃើញថា មនុស្សដែលមានអាយុពី ៣០ ទៅ ៤០ ឆ្នាំជាង ១៥% មានហានិភ័យខ្ពស់នៃជំងឺបាក់ទឹកចិត្ត។ លើសពីនេះទៀតដោយសារការផ្លាស់ប្ដូរអ័រម៉ូនធ្វើឲ្យអារម្មណ៍របស់ស្ត្រីប្រែជាខុសធម្មតា ហើយជួនកាលឆាប់ខឹង។ ហេតុផល គឺភាពតានតឹង និងភាពហត់នឿយរវាងការងារ-គ្រួសារ។
៤.ជ្រុះសក់
រាល់ថ្ងៃស្ត្រីអាចជ្រុះសក់ពី ៥០ ទៅ ១០០ សរសៃ ប៉ុន្តែនៅពេលមានវ័យ ៣០ ឆ្នាំ ចំនួននោះកាន់តែច្រើនទៅៗ។ ព្រោះ ដំណាក់កាលនៃភាពតានតឹងក្នុងជីវិត និងការរំលាយអាហារកាន់តែអាក្រក់ឡើងៗ ធ្វើឲ្យពិបាកក្នុងការស្រូបយកសារធាតុចិញ្ចឹមសំខាន់ៗ។ លើសពីនេះកង្វះជាតិដែក វីតាមីន D ក៏បណ្ដាលឲ្យមានការបាត់បង់សក់ដែរ។
៥.វដ្ដរដូវប្រែប្រួល
ដោយសារអ័រម៉ូនអេស្ត្រូសែន និងប្រូហ្សេស្តេរ៉ូនថយចុះ វដ្ដរដូវក៏ប្រែប្រួលដែរ។
៦.ការមានកូនថយចុះ
ការមានកូនចាប់ផ្ដើមធ្លាក់ចុះក្នុងវ័យ ៣០ ឆ្នាំ ជាពិសេសនៅពេលអ្នកមានអាយុលើសពី ៣៥ ឆ្នាំ។ មុនអាយុ ៣០ ឆ្នាំរាងកាយស្ត្រីអាចបង្កើតកូនបានយ៉ាងល្អឥតខ្ចោះ ទារកកើតមកមានសុខភាពល្អ។ ប៉ុន្តែបន្ទាប់ពីអាយុ ៣០ ទៅហើយ ជារឿយៗជួបប្រទះនឹងបញ្ហាសុខភាព រួមទាំងការរលូតកូន។
៧.ឆ្អឹងខ្សោយ
ឆ្អឹងរបស់អ្នកមានសុខភាពល្អបំផុតនៅពេលអ្នកឈានដល់អាយុ ២០ ឆ្នាំ។ ប៉ុន្តែក្រោយពីនោះ ១០ ឆ្នាំទៀត សន្លាក់ឆ្អឹងនឹងបង្ហាញសញ្ញានៃភាពចាស់ដូចជាពេលក្រោកឈរ ត្រូវពត់ពែនខ្លួន ឬក្រោកឡើងយកដៃច្រត់ ជង្គង់៕
ចុចអាន៖គ្រាន់តែផឹកទឹកសោះ អាចជាជំងឺបានដល់ទៅ ១០ មុខឯណោះ