បុរសមាន៧ចំណុចនេះ គឺជារាជបុត្រក្នុងក្ដីស្រមៃរបស់ស្រីៗគ្រប់គ្នា

2018-03-16 02:53:30
ចំនួនមតិ 0 | ចំនួនចែករំលែក 0

បុរសភាគច្រើនសន្មតខុសថា ស្រីៗចូលចិត្តការយកចិត្តទុកដាក់ យកចិត្ត ទិញសម្ភារៈ ទិញផ្កាឬសរសេររបៀបរ៉ូមែនទិកទៅកាន់នាង វាអាចត្រូវ ប៉ុន្តែតិចតួចប៉ុណ្ណោះ! ស្រីៗមានអារម្មណ៍មិនសូវខុសជាមួយប្រុសៗទេ។ ជាទូទៅ នៅពេលយើងទទួលបានអ្វីមួយងាយស្រួល នោះធម្មតាយើងមិនសូវត្រេកត្រអាលពេញចិត្តឡើយ។ មនុស្សប្រុសក៏ដូចគ្នា ដំបូងយើងចាប់អារម្មណ៍ណាស់ ស្រាប់តែគេមកស្រួលៗពេក ហើយមករាល់ថ្ងៃ ខលមកដដែលៗ យើងចាប់ផ្តើមចង់ដកខ្លួន។

សិល្បៈនៃការយកបេះដូងស្រីៗ វាមិនពិបាកទេ តែបានបេះដូងនាងរហូតទើបជារឿងពិបាក! ខាងក្រោមនេះគឺជាប្រភេទមនុស្សប្រុសដែលនារីស្រមៃចង់បាន៖

១-គ្រប់យ៉ាងលើសនាង

បុរសដ៏អស្ចារ្យម្នាក់ដែលស្រីៗគ្រប់រូបស្រមៃចង់ជួប គឺអ្នកដែលមានភាពធ្ងន់ជាងនាង ទំាងចំណេះ រូបរាង ស្ថានភាពហិរញ្ញវត្ថុ និងចិត្តក៏ធ្ងន់ទៀត! បើយើងចង់បានមនុស្សស្រីម្នាក់ដែលស្អាតពូកែ ហើយមានលុយច្រើន ជាកូនអ្នកមាន យើងគួរសួរខ្លួនយើងនូវសំណួរថា ហេតុអីនាងមកស្រលាញ់យើង?

២-អារម្មណ៍ការពារ

មនុស្សស្រីគ្រប់គ្នាទន់ចិត្តចំពោះអ្នកដែលនៅខាងនាង កាន់ជើងនាង ទោះតិចតួចក៏ដោយ ហើយនាងអាចអាងគេបាន នៅពេលនាងដោះស្រាយអ្វីមិនចេញ។ អត់អីទេ! មានការអីខលមក! ចាំខ្ញុំជួយ!... សម្តីទំាងនេះខ្លីៗ តែស្រីៗទន់ចិត្តដូចបាយម៉ានបាន!

៣-គ្រប់គ្រងអារម្មណ៍

មនុស្សស្រីចូលចិត្តបុរសសារភាព តែនាងឆ្កួតចិត្តនឹងបុរសដែលលាក់បាំងមនោសញ្ចេតនាហើយតាមធ្វើល្អជាសម្ងាត់ចំពោះនាង! បុរសដែលឆ្លាត គេមានវិធីសាស្ត្រនេះឱ្យស្រីៗលង់ទៅណាមិនរួច។

៤-ការណាត់ជួបនាងភ្លាមៗ?

វាពិតជាសាមញ្ញណាស់ គ្រប់គ្នាដែលស្ថិតក្នុងសេចក្តីស្រលាញ់ ចង់ជួបគ្នា ប៉ុន្តែកុំរហន់ពេក ព្រោះនាងអាចភ័យ អាចមិនដឹងរៀបរយរបៀបណា ចុះម៉េចមិនធ្វើវាឱ្យចៃដន្យទៅ? គឺអារម្មណ៍រំភើប! បុរសនៅក្នុងក្តីស្រមៃរបស់ស្រីៗគឺអ្នកដែលចេះ Supriseធ្វើឱ្យនាងរំភើប ហើយឆ្លាតវាងវៃ មិនឱ្យនាងមានសម្ពាធអ្វីទំាងអស់!

ចុចអាន៖ អាថ៌កំបាំង៧យ៉ាងក្លាយជានារីសិចស៊ីក្នុងភ្នែកបុរស

៥-ញញឹម

មនុស្សប្រុសដែលពេញដោយស្នាមញញឹម ជាភាពកក់ក្តៅដែលមនុស្សស្រីគ្រប់គ្នាស្រមៃតំាងពីនៅកុមារ! ញញឹម ញញឹមឡើង! កុំភ្លេចណា៎ ញញឹមជានិច្ច វាជាមន្តស្នេហ៍!

៦-ចិត្តទូលាយចិត្តធ្ងន់

មនុស្សស្រីពេលខ្លះរញ៉េរញ៉ៃក្នុងរឿងស្នេហា! នាងជួនកាលមើលទៅពេលយើងបះដៃទៅ នាងចង់តែរត់! នាងត្រូវការគេយល់ចិត្ត ត្រូវការគេអត់ធន់ ហើយត្រូវការគេតាមទាន់ជាន់កែង!បើអ្នកជាប្រភេទបុរសឆ្លាតដឹង ពី No Means Yes របស់នាង អ្នកនឹងជាប់លំដាប់។

៧-ចរិតទាន់សម័យ

មនុស្សស្រីស្អប់បំផុតបុរសដែលមើលងាយនាងថា បង្វិលចង្ក្រានមិនជុំ! នាងទន់ចិត្ត តែចំពោះមនុស្សណាដែលទទួលស្គាល់នាង ហើយជួយជ្រោមជ្រែងនាង ព្រមទំាងលើកចំណុចល្អៗរបស់នាងមកបង្ហាញគេឯង។ កុំយកទ្រឹស្តីបុរាណមកគ្របដណ្តប់លើនារីសម័យនេះ ព្រោះគ្មានអ្នកណាព្រមប្រគល់សេរីភាពគេទៅឱ្យបុរសប្រភេទអាត្មានិយមនោះទេ៕

ស្តាប់ កញ្ញា ហ៊ិន ច័ន្ទនិរ័ត្ន និយាយរឿងនេះ នៅលើកម្មវិធី Soyo ដោយឥតគិតថ្លៃ!

➡ទាញយកម្មវិធី Soyo ឥឡូវនេះដើម្បីទស្សនារឿងថ្មីៗជាច្រើន

ទាញយកកម្មវិធី Soyo ដោយឥតគិតថ្លៃឥឡូវនេះតាមរយៈ៖

App Store: https://goo.gl/Fzx11s

Play Store: https://goo.gl/fgJbtB

អត្ថបទ៖ soyo