១០ចំណុចសម្គាល់ថា សង្សារអ្នកលួចមានថ្មី និងដំណោះស្រាយឱ្យអ្នកទីបីខ្ទាតចេញ

2018-03-13 00:24:00
ចំនួនមតិ 0 | ចំនួនចែករំលែក 0

ជាយុវវ័យ អ្នកណាក៏ធ្លាប់មានអារម្មណ៍មួយនេះបន្លាចខ្លួនឯង សង្ស័យគេ ហើយពេលខ្លះគិតថាដូចជាចម្លែកៗ គេតែងខ្លួនហើយលាក់ទូរសព្ទ សួរមិនសូវឆ្លើយចំសំណួរ! ស្រីៗឧស្សាហ៍ណាស់អារឿងសង្ស័យថា គេប្រហែលកំពុងទាក់ទងស្រីថ្មីម្នាក់ទៀត ឬមានA B C D ? មុននឹងឈានដល់ការវាយតម្លៃ ស្រីៗគួរសង្កេតមើលសកម្មភាពរបស់មិត្តប្រុសលើប៉ុន្មានចំណុចនេះសិន ដូចជា៖

ទី១ គេមានពេលច្រើនអត់សម្រាប់យើង? គេខុសពីមុន? គេរវល់ជាងមុន?គេមានពិបាកចិត្តចំពោះការរវល់ហ្នឹងអត់?

ទី២ គេប្រចណ្ឌយើងខ្លះអត់?ពេលយើងស្លៀកពាក់ថ្មី តែងខ្លួនស្អាតៗ គេមានសួរថាយើងទៅណា ទៅជាមួយអ្នកណា?

ទី៣ គេមាននិយាយទូរសព្ទលួចលាក់ ឬដូរ Password អត់?

ទី៤ មានចុងសប្តាហ៍ណាមួយ គេរវល់ ហើយមិនខ្វល់ខលមកយើងមួយថ្ងៃបីដង ពេលក្រោក ពេលបាយ ពេលគេងអត់?

ទី៥ គេមានគេចៗពីការនិយាយគ្នារ៉ូមែនទិក ឬគេគេចៗមិនចង់និយាយរឿងអនាគតអត់?

ទី៦ គេឆាប់ខឹងពេលយើងសួរនាំអត់?

ទី៧ គេមិនសូវចង់ស្និទ្ធស្នាលគ្នានៅមុខអ្នកផ្សេងដែរអត់?

ទី៨ គេប្តូរម៉ូដសក់ ប្តូររបៀបស្លៀកពាក់ប្លែកៗ?

ទី៩ គេផ្តោតអារម្មណ៍បែបណាលើយើងនៅទីសាធារណៈ ឬគេទុកយើងចោលមួយឡែក?

ទី១០ ឧស្សាហ៍ប្រទះឃើញគេលួចញញឹមស្ងាត់ៗអត់?

ទំាងអស់នេះអាចថាមិនសុទ្ធតែបញ្ជាក់ថា គេមានថ្មីលាក់យើងទេ តែអាចថា មានចំណុចច្រើនគួរឱ្យយើងយកចិត្តទុកដាក់! បើយើងឃើញថា គេពិតជាមានចំណុចដូចខាងលើច្រើន ភាគរយច្រើនណាស់ដែលថាគេអាចនឹងកំពុងត្រូវបានព្យាយាមជ្រៀតចូលដោយអ្នកទីបី។

កុំយំៗ! ខឹងនិងយំ ដោះស្រាយអីអត់បានទំាងអស់! មានវិធីសាស្ត្រមួយចំនួនទៀតដើម្បីជួយ៖

បង្កើតឡើងវិញឱ្យគេមានអារម្មណ៍ភ័យខ្លាចក្នុងការបាត់បង់យើង

តាមពិតពេលនេះ បើគេកំពុងមានអ្នកថ្មី ហើយលាក់យើង គឺគេកំពុងសិ្ថតក្នុងការស្ទាក់ស្ទើររវាង ការសាកល្បងជាមួយអារម្មណ៍ថ្មី ហើយនិងការបាត់បង់សេចក្តីសុខដែលធ្លាប់មានជាមួយយើង។ ដូច្នេះចូរដាក់សំណួរម៉ឺងម៉ាត់ចំពោះខ្លួនយើង!

តើអ្វីទៅជាបញ្ហាធំក្នុងទំនាក់ទំនងកន្លងមករបស់យើងនិងគេ?

ហេតុអ្វីអ្នកថ្មីអាចជ្រៀតចូលបាន??

រំឭកឡើងវិញ ពេលណាមួយធ្លាប់ជាវេលាវិសេសបំផុតរវាងគេនិងយើង?

គិតអំពីសំណួរទាំងនេះ! គិតជ្រៅ គិតច្បាស់ តែមិនរាយមាយទេ គឺគិតដោយភ្លឺស្វាង!

កុំផឹកស្រា កុំចរចាជាមួយអ្នកផ្សេងពីរឿងសម្ងាត់នេះ កុំឱ្យឮដល់ត្រចៀកគេ!និយាយរួមកុំឱ្យគេដឹងខ្លួន! ការឈ្លោះគ្នា ការបន្ទោសគ្នាទៅវិញទៅមកជាការជំរុញផ្លូវបែកឡើងឱ្យមកដល់កាន់តែឆាប់ ព្រោះនេះជាដំណាក់កាលផុយស្រួយ។

កន្លែងណាត់ជួប

ជាធម្មតា យើងមិនសមថាភ្លេចកន្លែងដែលធ្លាប់ណាត់ជួបគ្នាដំបូងទេហ្ន៎? វាសំខាន់! ជាកន្លែងអាចផ្តល់ជំនួយឱ្យគេគិតឡើងវិញ! ទៅកន្លែងនោះ ធ្វើហាក់កំពុងមានសុភមង្គលខ្លាំង ហើយធ្វើឱ្យគេនឹកឃើញរឿងល្អត្រឡប់មកវិញ!

បង្ហាញឥរិយាបថលើកទោស

ការអភ័យទោសឱ្យគ្នាជារឿងដែលមនុស្សស្រលាញ់គ្នាពូកែធ្វើជាទីបំផុត។គេឈប់អភ័យទោសលើកលែងតែគេអស់ស្រលាញ់! អ្នកនឹងមិនអាចបន្តជាមួយគ្នាទៀតបានទេ ប្រសិនបើយើងមិនអាចអត់ទោសឱ្យគ្នាទៅវិញទៅមក។បំភ្លេចចោល កុំនិយាយរម្លឹកអ្វីដែលបានកើតឡើងពីមុនមករវាងគេនិងអ្នកផ្សេង។

កុំទន់ខ្សោយ ហើយរាយមាយ

វិធីរាយមាយទៅទាក់ទងអ្នកផ្សេងមិនអាចជួយឱ្យយើងបានបេះដូងគេត្រឡប់មកវិញទេ ថែមទំាងបង្កឱកាសឱ្យគេអាចទម្លាក់កំហុសមកលើយើងវិញបាន។ អ្នកគួរធ្វើឱ្យគាត់ប្រចណ្ឌ តែធ្វើតាមរបៀបឆ្លាតវៃ មិនមែនរបៀបធ្វើឱ្យខ្លួនឯងអស់តម្លៃនោះទេ។

បង្ហាញខ្លួនយ៉ាងមានកិត្តិយសជាមួយគេ

កុំបន្ទាបខ្លួនទៅឈ្លោះជាមួយអ្នកទីបី! កុំឱ្យតម្លៃស្មើភាពគ្នាទៅកាន់គេ ព្រោះនេះជាឱកាសឱ្យគេបានចេញមុខប្រជែងជាមួយយើងពេញទំហឹង៕

ស្តាប់ លោក ម៉េង ប៊ុនឡូ និយាយរឿងនេះ នៅលើកម្មវិធី Soyo ដោយឥតគិតថ្លៃ!

➡ទាញយកម្មវិធី Soyo ឥឡូវនេះដើម្បីទស្សនារឿងថ្មីៗជាច្រើនឥតគិតថ្លៃ។

ទាញយកកម្មវិធី Soyo ដោយឥតគិតថ្លៃឥឡូវនេះតាមរយៈ៖

App Store: https://goo.gl/Fzx11s

Play Store: https://goo.gl/fgJbtB

អត្ថបទ៖ soyo