៥ វិធីក្នុងការទទួលទានអ្វីដែលអ្នកចង់ ដោយមិនបាច់ភ័យរឿងឡើងទម្ងន់
- 2018-02-28 10:30:00
- ចំនួនមតិ 0 | ចំនួនចែករំលែក 0
៥ វិធីក្នុងការទទួលទានអ្វីដែលអ្នកចង់ ដោយមិនបាច់ភ័យរឿងឡើងទម្ងន់
បញ្ហាចម្បងរបស់មនុស្សស្រីមួយចំនួននាពេលបច្ចុប្បន្នគឺ ការឡើងទម្ងន់ ដោយអ្នកខ្លះឡើងហើយមិនស្រកវិញ សូម្បីតែមិនសូវហ៊ានញ៉ាំអ្វីផងនោះ។ ចំណែកស្រ្តីមួយចំនួនទៀតពេលធាត់ហើយ ក្ដីប្រាថ្នាតែមួយគត់នោះ គឺកុំឲ្យគីឡូឡើងទៅទៀតបានហើយ។ កញ្ញា មានវិធីសាស្ត្រក្នុងការគ្រប់គ្រងទម្ងន់ ទោះជាញ៉ាំអ្វីក៏ដោយ ដែលខ្លួនចង់៖
១.ដាក់ចានតូចៗ
ទោះជាចូលញ៉ាំអាហារប៊ូហ្វេក៏ដោយ អ្នកត្រូវជ្រើសរើសយកចានណាដែលតូចៗមកដាក់អាហារ ដើម្បីអាចញ៉ាំបានគ្រប់មុខ។ មួយវិញទៀតចានតូចអាចឲ្យអ្នកមើលឃើញច្រើន និងមានអារម្មណ៍ឆាប់ឆ្អែត ប៉ុន្តែបើអ្នកដាក់ចានធំវិញ គឺប្រាកដជាញ៉ាំបានច្រើន ហើយមិនចេះស្កប់ទៀត។
**២.ធ្វើឲ្យមានតុល្យភាពទាំងអាហារសម្បូរថាមពល និងភេសជ្ជៈមានសុខភាពល្អ**
បរិភោគនៅក្នុងកម្រិតមធ្យម នូវចំណីអាហារណាដែលអាចផ្ដល់ថាមពលដល់រាងកាយ ដូចជាអាហារចៀនសម្បូរទៅដោយកាឡូរី និងបន្ថែមភេសជ្ជៈណាដែលផ្ដល់សុខភាពវិញដូចជាទឹកសណ្ដែក និងទឹកផ្លែឈើ។
៣.ទំពាយឺតៗ
វិធីនេះមានអត្ថប្រយោជន៍ជាក់ស្ដែងចំនួន ២៖ ទី ១ អ្នកប្រហែលជានឹងមិនទទួលទានចំណីអាហារច្រើនទេ ប្រសិនបើចំណាយពេលយូរ ដើម្បីបញ្ចប់អ្វីដែលមានរួចហើយនៅលើចាន។ ទី ២ អ្នកពិតជាអាចចំណាយពេលវេលាយូរ ដើម្បីញ៉ាំអាហារដែលអ្នកពេញចិត្ត ដូចនេះគ្មានពេលទៅចាប់អារម្មណ៍អាហារផ្សេង។
៤.ផឹកឲ្យបានត្រឹមត្រូវ
ជម្រើសល្អបំផុតរបស់អ្នកគឺនៅតែជាទឹកធម្មតាដែលគ្មានកាឡូរី។ ពេលទទួលអាហារគួរតែមានកែវទឹកមួយនៅក្បែរខ្លួន ដើម្បីអាចញ៉ាំបណ្ដើរផឹកបណ្ដើរ ទើបធ្វើឲ្យឆាប់ឆ្អែត។ បើផឹកភេសជ្ជៈគ្មានជាតិផ្អែម តែបៃតង ឬតែអ៊ូឡុងគឺល្អបំផុត។
៥.ដើរ
ប្រសិនបើអ្នកធ្វើដំណើរទៅទីតាំងច្រើន ក្នុងមួយថ្ងៃ អាចពិចារណាការដើរ ឬជិះកង់។ ព្រោះការ ដើរយឺតៗអាចមានប្រយោជន៍ក្នុងការជួយរំលាយអាហារ។ អ្នកក៏អាចបង្កើតឱកាសចំណាយថាមពលពេញមួយថ្ងៃដូចជាការឡើងជណ្ដើរជាជាងជិះជណ្ដើរ ឬការលេងកីឡា និង gym ដើម្បីឲ្យរាងកាយមានចលនារហូត៕
ចុចអាន៖ញ៉ាំដើម្បីស្ល៊ីម! អាហារ ៣មុខជួយជំរុញការដុតរំលាយខ្លាញ់ និងកាឡូរីបានយ៉ាងល្អ