លេចរូប Justin និង Selena ឱបថើបស្អិតល្មួតក្នុងថ្ងៃមង្គលការឪពុក

2018-02-21 03:23:49
ចំនួនមតិ 0 | ចំនួនចែករំលែក 0

ឪពុកបង្កើតរបស់តារាចម្រៀងសញ្ជាតិកាណាដា Justin Bieber បានរៀបមង្គលការជាមួយភរិយាថ្មី Chelsea Rebelo នៅដើមសប្ដាហ៍នេះ ខណៈកែវភ្នែកជាច្រើនបែរបាញ់ទៅរកគូស្នេហ៍កូន Justin និង Selena ដែលបង្ហាញភាពផ្អែមល្ហែមពេញទំហឹង។

តារាចម្រៀងយុវវ័យ Justin វ័យ ២៣ឆ្នាំ និង Selena Gomez វ័យ ២៥ឆ្នាំបានបង្ហាញកាយវិការស្អិតជាមួយគ្នាបេះមិនចេញនៅក្នុងថ្ងៃរៀបមង្គលការលោក Jeremy Bieber កាលពីថ្ងៃចន្ទកន្លងទៅនៅតំបន់ឆ្នេរ Montego Bay ទីក្រុង Jamaica។ តាមការឲ្យដឹងពីប្រភពដែលចូលរួមក្នុងកម្មវិធី តារាចម្រៀង Justin Bieber មិនបានជល់កែវជាមួយនរណាឡើយក្នុងកម្មវិធីនោះ ប៉ុន្តែគ្រប់គ្នាសុទ្ធតែមានភាពសប្បាយរីករាយ ហើយជាពិសេសគេឃើញ Justin នៅជាមួយមិត្តស្រីរបស់ខ្លួនរហូតតែម្ដង។

ប្អូនប្រុសអាយុ ៨ឆ្នាំរបស់ Justin ឈ្មោះ Jaxon ក៏បានចូលរួមកម្មវិធីនោះជាមួយគ្នាដែរ។

ម្ចាស់បទ “Love Yourself” បានជិះយន្តហោះទៅយកមិត្តស្រីរបស់ខ្លួនក្នុងរដ្ឋតិចសាស កាលពីថ្ងៃអាទិត្យដើម្បីមកចូលរួមកម្មវិធីនេះ។ គូស្នេហ៍មួយគូនេះត្រូវបានគេឃើញថាមានភាពផ្អែមល្ហែម និងស្អិតល្មួតជានិច្ចក្រោយពីត្រលប់មកត្រូវរ៉ូវគ្នាវិញកាលពីឆ្នាំមុន។ កាលពីសប្ដាហ៍មុន អ្នកទាំងពីរបានចំណាយពេលរ៉ូមែនទិកក្នុងថ្ងៃ Valentine ជាមួយគ្នាក្នុងសណ្ឋាគារ Montage ទីក្រុង Beverly Hills ៕