អាការៈ៣យ៉ាងបញ្ជាក់ថា អ្នកកំពុងលែងស្រលាញ់សង្សារខ្លួនឯងទាំងមិនដឹងខ្លួន
- 2018-01-20 07:01:00
- ចំនួនមតិ 0 | ចំនួនចែករំលែក 0
អាការៈ៣យ៉ាងបញ្ជាក់ថា អ្នកកំពុងលែងស្រលាញ់សង្សារខ្លួនឯងទាំងមិនដឹងខ្លួន
វាមិនមែនជារឿងចម្លែកទេ ដែលអ្វីៗគ្រប់យ៉ាងក្នុងលោកនេះតែងតែប្រែប្រួល បូករួមទាំងអារម្មណ៍របស់មនុស្សផងដែរ។ ពីមុនអ្នកធ្លាប់ស្រឡាញ់គាត់ខ្លាំងណាស់ ប៉ុន្តែហេតុអ្វីឥឡូវបែរជាលែងមានអារម្មណ៍ល្អបែបនោះទៀត។ ឬនេះមកពីអ្នកធុញថប់ជាមួយរឿងផ្សេងៗច្រើនពេក រួចកំពុងយល់ច្រឡំអារម្មណ៍ខ្លួនឯង? ដូច្នេះដើម្បីឲ្យអ្នករឹតតែប្រាកដចិត្ត សង្កេតអាការៈ៣យ៉ាងខាងក្រោម នោះអ្នកនឹងច្បាស់ថា អ្នកពិតជាបាត់បង់ចំណាប់អារម្មណ៍លើមិត្តប្រុសរបស់ខ្លួនពិតប្រាកដមែន៖
១.លែងនឹកគាត់
ពីមុនធ្លាប់តែលួចគេងយំ ដោយសារតែក្ដីនឹករលឹករាល់ពេលគាត់ចេញទៅឆ្ងាយម្ដងៗ ប៉ុន្តែពេលនេះស្រាប់តែលែងខ្វល់ខ្វាយដូចមុនទៀត។ អ្នកចាប់ផ្ដើមរីករាយជាមួយជីវិតខ្លួនឯង ដែលគ្មានវត្តមានគាត់ មិនដឹងចាប់ពីពេលណា។ ទោះជាគ្មានគាត់នៅក្បែរ ក៏អ្នកគ្មានអារម្មណ៍ថាឯកាសោះឡើយ។
២.លែងអើពើ
អ្នកក្លាយជាមនុស្សស្រីដែលចេះប្រើលេសដោះសាគ្រប់ជំពូក ព្រោះតែមិនសូវចង់ជួបមុខគាត់។ ពេលគាត់បបួលទៅណាមកណាជាមួយ អ្នកឧស្សាហ៍បដិសេធ ឬគេចវេះតាមតែអាចទៅរួច។ ពេលគាត់និយាយរៀបរាប់ប្រាប់ពីជីវិតប្រចាំថ្ងៃ អ្នកគ្រាន់តែស្ដាប់ចោល ព្រោះអ្នកលែងចង់ដឹងចង់ឮរឿងផ្ទាល់ខ្លួនគាត់ទៀតហើយ។
៣.ស្អប់ការជ្រៀតជ្រែករបស់គាត់
អ្នកធុញចំពោះការលូកដៃ ខ្វាយខ្វល់របស់គាត់ចំពោះជីវិតឯកជនរបស់អ្នក។ ពីមុនអ្នកធ្លាប់ពេញចិត្តខ្លាំងណាស់ ប៉ុន្តែឥឡូវវាបានក្លាយជាការជ្រៀតជ្រែកដែលធ្វើឲ្យអ្នកមានសម្អាតផ្លូវចិត្តស្ទើរតែមិនអាចទ្រាំបាន។ ការចេះដឹង ព្រួយបារម្ភរបស់គាត់ អ្នកលែងត្រូវការតទៅទៀតហើយ។
សរុបជារួម ការទ្រាំស្រឡាញ់ទាំងបង្ខំ មិនមែនជាជម្រើសល្អទេ។ ដូច្នេះអ្នកត្រូវហ៊ានទទួលស្គាល់អារម្មណ៍ពិតរបស់ខ្លួន។ ជួបបញ្ហាត្រូវតែដោះស្រាយ ព្រោះអ្នកមិនអាចគេចវេសបញ្ហាអស់មួយជីវិតឡើយ៕