ចង់បានរូបថតស្អាតៗពេលដើរលេង ត្រូវដឹងតិចនិកថតរូបទាំង ៥នេះ
- 2017-12-25 08:15:00
- ចំនួនមតិ 0 | ចំនួនចែករំលែក 0
ចង់បានរូបថតស្អាតៗពេលដើរលេង ត្រូវដឹងតិចនិកថតរូបទាំង ៥នេះ
យុវវ័យភាគច្រើននៅពេលបានទៅដើរលេងឆ្ងាយៗម្ដងប្រាកដជាចង់ថតរូបដើម្បីទុកជាអនុស្សាវរីយ៍ ក៏ដូចជាយកមកបង្ហោះបង្អួតមិត្តភ័ក្ដិនៅតាមបណ្ដាញសង្គមផ្សេងៗ ប៉ុន្តែដឹងអត់ថាតើគួរថតរូបដូចម្ដេចដើម្បីទទួលបានរូបស្អាត ដូចអ្នកថតលក្ខណៈអាជីព? ថ្ងៃនេះ កញ្ញា នឹងបង្ហាញតិចនិកក្នុងការថតរូបចំនួន ៥សម្រាប់អ្នកចង់បានរូបថតស្អាតៗរបស់ខ្លួនឯងនៅពេលចេញដំណើរកម្សាន្តផ្សេងៗ៖
១. រកមុំដែលស្រស់ស្អាតរបស់ខ្លួនឯងឲ្យឃើញ
តិចនិកដំបូងដែលយើងចង់ណែនាំនោះគឺ អ្នកអាចសាកល្បងថតរូបខ្លួនឯងពីមុំខុសៗគ្នា ដូចជាពីឆ្វេង ពីស្ដាំ ឡើងលើបន្តិច ចុះក្រោមបន្តិច ឬថតពីមុខចំ ហើយយកមកមើលថាតើមុំណាស្អាតជាងគេ ដូច្នេះយើងអាចថតរូបមុំបែបនោះឲ្យបានច្រើនៗ។
២. ថតយកធម្មជាតិ ឬស្ទីលមិនដឹងខ្លួន
អាចនិយាយបានថាជាស្ទីលដែលកំពុងពេញនិយមមែនទែន ព្រោះវាធ្វើឲ្យអ្នកមើលអាចយល់បានពីអារម្មណ៍ពិតក្នុងរូបភាព ពិសេសបើសិនជាអ្នកអាចលេងទឹកមុខស៊ីគ្នាជាមួយនឹងធម្មជាតិ។
៣. ថតរូបមួយជំហរខ្លួន
ការថតរូបទាំងជំហរខ្លួនគឺដើម្បីបង្ហាញឲ្យឃើញពីការតុបតែងខ្លួន ក៏ដូចជារាងរៅដ៏ស្រស់ស្អាតរបស់អ្នក ក្នុងចំណោមធម្មជាតិ ឬទីកន្លែងគួរឲ្យចាប់អារម្មណ៍ផ្សេងៗ។ ដើម្បីឲ្យបានស្អាត អ្នកត្រូវដាក់ Focus លើមនុស្សឲ្យបានច្បាស់ជាងទេសភាពខាងក្រោយ។
៤. បញ្ចេញ Style គួរឲ្យចាប់អារម្មណ៍
ការញញឹមដាក់កាមេរ៉ាគឺជាមន្តស្នេហ៍ដ៏សំខាន់ដើម្បីទាក់ទាញចំណាប់អារម្មណ៍ ប៉ុន្តែដើម្បីឲ្យមានភាពទាក់ទាញជាងនេះទៅទៀត អ្នកគួរសាកល្បងស្ទីល ឬកាយវិការថតប្លែកៗគ្នាវិញ។
៥. ត្រៀមរបស់សម្រាប់កាន់ក្នុងដៃ ឬកាន់អ្វីមួយដែលមានស្រាប់នៅកន្លែងថត
ក្រៅពីទេសភាពស្អាតហើយ ការមានរបស់របរជាប់ដៃមួយចំនួនក៏ធ្វើឲ្យរូបរបស់យើងមើលទៅកាន់តែស្អាត មិនសូវឆ្គងដែរ។ បើគ្មានអ្វីកាន់ទេ អ្នកអាចកាន់របស់ញ៉ាំផ្សេងៗក៏បាន ៕