គួរដឹង ! គន្លឹះមួយចំនួនក្នុងការថែទាំសុខភាព ពេលអាកាសធាតុក្ដៅ
- 2024-04-05 02:10:00
- ចំនួនមតិ 0 | ចំនួនចែករំលែក 0
គួរដឹង ! គន្លឹះមួយចំនួនក្នុងការថែទាំសុខភាព ពេលអាកាសធាតុក្ដៅ
អាកាសធាតុក្ដៅខ្លាំងអាចបណ្ដាលឲ្យយើងមានជំងឺ ឬស្លាប់បាន ប៉ុន្តែបញ្ហាទាំងនេះយើងអាចការពារបាន។ នៅសហរដ្ឋអាមេរិកមានមនុស្សស្លាប់ដោយការអាកាសធាតុក្ដៅប្រហែល ១ ២២០នាក់ក្នុងមួយឆ្នាំ។
ដើម្បីការពារខ្លួនពីការធ្លាក់ខ្លួនឈឺដោយសារអាកាសធាតុក្ដៅ យើងត្រូវនៅកន្លែងមានម្លប់ ឬត្រជាក់ ជាពិសេសត្រូវញ៉ាំទឹកឲ្យបានគ្រប់គ្រាន់។ អ្នកដែលងាយរងគ្រោះដោយសារកម្ដៅ គឺមនុស្សវ័យចំណាស់ កុមារអាយុក្រោមពីរឆ្នាំ និងអ្នកមានជំងឺរ៉ាំរ៉ៃ។
គន្លឹះការពារខ្លួនពីសីតុណ្ហភាពក្ដៅ
ដើម្បីការពារកុំឲ្យធ្លាក់ខ្លួនឈឺដោយសារអាកាសធាតុក្ដៅខ្លាំង យើងគួរអនុវត្តវិធានការចាំបាច់មួយចំនួន
នៅក្នុងអគារកុំឲ្យត្រូវកម្ដៅថ្ងៃខ្លាំង ឬបន្ទប់ម៉ាស៊ីនត្រជាក់ ព្រោះថាម៉ាស៊ីនត្រជាក់ជួយការពារយើងពីជំងឺកើតចេញពីអាកាសធាតុក្ដៅខ្លាំង។
ញ៉ាំទឹកឲ្យបានគ្រប់គ្រាន់ ឬច្រើនជាងពេលធម្មតា និងត្រូវញ៉ាំទឹកបើទោះជាមិនស្រេកក៏ដោយ
កាត់បន្ថយការចេញក្រៅអគារនៅពេលព្រះអាទិត្យកំពុងបញ្ចេញកម្ដៅខ្លាំង
កុំទុកក្មេង ឬសត្វចិញ្ចឹមក្នុងរថយន្ត
ងូតទឹកដើម្បីដើម្បីរក្សារាងកាយឲ្យត្រជាក់
អ្នកដែលត្រូវយកចិត្តទុកដាក់ខ្ពស់
ថ្វីបើគ្រប់គ្នាសុទ្ធតែអាចប្រឈមនឹងជំងឺបង្កឲ្យសីតុណ្ហភាពក្ដៅ ប៉ុន្តែក្រុមមនុស្សខ្លះមានភាពងាយរងគ្រោះជាងអ្នកផ្សេង។ អ្នកទាំងនោះមានដូចជា៖
ទារក និងកុមារ
មនុស្សវ័យ៦៥ឆ្នាំឡើង
អ្នកមានបញ្ហាធាត់លើសទម្ងន់
អ្នកមានបញ្ហាលើសសម្ពាធឈាម ជំងឺបេះដូង
បើក្នុងគ្រួសារយើងមានសមាជិកគ្រួសារដូចបានរៀបរាប់ខាងលើ យើងគួរតាមដានសុខភាពពួកគាត់ឲ្យបានទៀងទាត់ និងត្រូវប្រាកដថាអ្នកទាំងនោះបានញ៉ាំទឹកគ្រប់គ្រាន់ និងបាននៅកន្លែងដែលមិនមានកម្ដៅខ្លាំងរំខានដល់សុខភាព។