ស្រីៗគួរដឹង! អាហារដែលត្រូវញ៉ាំនិងត្រូវជៀសវាងពេលមករដូវ ដើម្បីឲ្យរាងកាយរឹងមាំអារម្មណ៍ល្អ

2020-05-19 07:00:00
ចំនួនមតិ 0 | ចំនួនចែករំលែក 0

ភាពនឿយហត់ អារម្មណ៍តានតឹងមិននឹងន រួមទាំងការឈឺចុកចាប់ក្នុងពោះជាដើម តែងកើតមានឡើងក្នុងអំឡុងពេលមនុស្សស្រីមករដូវ។ អាហារដែលអ្នកញ៉ាំគឺសំខាន់បំផុតសម្រាប់ពេលនេះ។ អាហារដែលមានជីវជាតិត្រឹមត្រូវ អាចជួយកាត់បន្ថយ ការឈឺរោយក្នុងសាច់ដុំ ហើមពោះ ឈឺក្បាល និងជួយសម្រួលដល់ប្រព័ន្ធរំលាយអាហារ។ ហេតុនេះ ដើម្បីធ្វើឲ្យរាងកាយនៅតែរឹងមាំ មិនចុះខ្សោយ មានអារម្មណ៍ល្អ មនុស្សស្រីគ្រប់រូប គួរដឹងពីអាហារដែលត្រូវញ៉ាំនិងត្រូវជៀសវាង។

**អាហារមិនគួរញ៉ាំ

គ្រឿងស្រវឹង

បើអ្នកផឹកស្រាឬគ្រប់ភេសជ្ជៈណាដែលមានជាតិអាល់កុល វាពិតជាប៉ះពាល់ខ្លាំងបំផុតចំពោះសុខភាព ដូចជារដូវមកមិនទៀង កម្រិតអេស្ត្រូសែនកើនឡើង ធ្វើឲ្យសភាពពេលមករដូវកាន់តែយ៉ាប់យ៉ឺនជាងមុន។ គួរផឹកទឹកឲ្យបានច្រើន ឬផឹកទឹកដូងជំនួសវិញ ទើបអាចជួយផ្តល់សំណើមដល់រាងកាយ។

កាហ្វេ

ទោះអ្នកញៀនផឹកកាហ្វេរាល់ថ្ងៃ ក៏គួរផ្អាកសិនទៅ ក្នុងអំឡុងពេល៤-៥ថ្ងៃនេះ។ វាអាចធ្វើឲ្យសម្ពាធឈាមនិងចង្វាក់បេះដូងកើនឡើង បណ្តាលឲ្យអ្នកតានតឹង ឆាប់ភ័យតក់ស្លុត និងប្រឈមជាមួយរោគសញ្ញា PMS (Premenstrual syndrome) ។ គួរជំនួសមកវិញ ដោយការផឹកតែបៃតង ទឹកប៉េងប៉ោះឬទឹកការ៉ុតស្រស់ល្អជាង។

អាហារផ្អាប់

អាហារក្លាសេឲ្យកក Fast food សាច់បីជាន់ ត្រសក់ត្រាំ និងអាហារវេចខ្ចប់ដាក់ថង់ដាក់កំប៉ុងទុកយូរ គឺមិនល្អទាល់តែសោះ បើអ្នកញ៉ាំពេលមករដូវ។ វាអាចចូលទៅវាយលុកអ័រម៉ូន និងធ្វើឲ្យអាការៈមុនពេលមករដូវកាន់តែអាក្រក់។ យ៉ាងណាមិញ ត្រូវឆ្លៀតធ្វើម្ហូបញ៉ាំនៅផ្ទះដោយខ្លួនឯង ព្យាយាមញ៉ាំបន្លែឲ្យបានច្រើន ឬញ៉ាំបបរក្តៅឧណ្ណៗកាន់តែល្អ។

អាហារមានជាតិខ្លាញ់ខ្ពស់

អាហារដែលមានជាតិខ្លាញ់ខ្ពស់ ក្រៅពីធ្វើឲ្យធាត់ហើយ ក៏អាចបង្កផលប៉ះពាល់ដល់អ័រម៉ូន បណ្តាលឲ្យអ្នកឈឺចុកចាប់ក្នុងពោះ មានអារម្មណ៍ថាហើមឬឆ្អល់ជាដើម។ វាក៏អាចធ្វើឲ្យស្បែករបស់អ្នកកាន់តែស្ងួត គ្មានសំណើម។

អាហារបំពង