សាន់ឆាយសម្រក ៣០គីឡូ ស្អាតដូចកាលលេងរឿង F4 ២០ឆ្នាំមុន
- 2022-09-27 02:45:00
- ចំនួនមតិ 0 | ចំនួនចែករំលែក 0
សាន់ឆាយសម្រក ៣០គីឡូ ស្អាតដូចកាលលេងរឿង F4 ២០ឆ្នាំមុន
កំពូលតារាសម្ដែងស្រីតៃវ៉ាន់ Barbie Hsu សម្រកទម្ងន់បានសម្រេច យកសម្រស់ដ៏ស្រស់ស្អាតដូចពីមុនវិញបានហើយ។
កាលពីថ្ងៃទី ២១ ខែកញ្ញាកន្លងទៅនេះ បណ្ដាញព័ត៌មាន ETtoday បានរាយការណ៍ថា តារាសម្ដែងស្រីលំដាប់ A តៃវ៉ាន់ Barbie Hsu បានត្រលប់ចូលមកក្នុងសិល្បៈវិញពេញលេញហើយ ក្រោយសម្រាកជាច្រើនឆ្នាំដើម្បីសម្រាលកូន និងឡើងគីឡូច្រើនពេក។
នៅក្នុងសកម្មភាពថតពាណិជ្ជកម្មឲ្យប្រេនមួយ អ្នកម្ដាយកូនពីរបានឲ្យដឹងថា ខ្លួនធ្លាប់មានគីឡូឡើងដល់ ៧៧គីឡូ ហើយនៅពេលនេះ នាងបានស្រកអស់៣០គីឡូនៅសល់ត្រឹម ៤៧គីឡូប៉ុណ្ណោះ ហើយនាងនៅចង់ស្រក២គីឡូទៀត។
បន្ថែមពីនេះ ស្រីស្អាតអាយុ ៤៥ឆ្នាំក៏ទទួលគម្រោងរឿងថ្មី ដែលនាងខានថតជិត១០ឆ្នាំមកហើយ ព្រោះមុននោះទទួលតែស្ប៉តពាណិជ្ជកម្មប៉ុណ្ណោះ។ ខណៈមនុស្សជាច្រើនត្រេកអរដែលឃើញតួរឿង F4 ត្រលប់ចូលសិល្បៈវិញនោះ មួយចំនួនទៀតបានលើកឡើងថា ក្រោយលែងលះជាមួយប្ដីមហាសេដ្ឋី Wang Xiaofei និងរៀបការជាមួយតារាចម្រៀងប្រុសកូរ៉េ Koo Jun Yup ធ្វើឲ្យអ្នកម្ដាយកូន២ខ្វះខាតថវិការ ទើបនាងសម្រេចចិត្តចូលសិល្បៈវិញ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
