សញ្ញាបង្ហាញថាអ្នកធ្វើការជាមួយ បានក្លាយជាមិត្តភ័ក្ដិនឹងអ្នកពិតប្រាកដហើយ
- 2022-07-06 04:55:00
- ចំនួនមតិ 0 | ចំនួនចែករំលែក 0
សញ្ញាបង្ហាញថាអ្នកធ្វើការជាមួយ បានក្លាយជាមិត្តភ័ក្ដិនឹងអ្នកពិតប្រាកដហើយ
ប្រសិនបើអ្នកធ្វើការជាមួយអ្នក និងអ្នកមានសញ្ញាទាំងនេះ មានន័យថាអ្នកទាំងពីរបានក្លាយជាមិត្តភ័ក្ដិនឹងគ្នាពិតប្រាកដហើយ។
១. អ្នកលេងជាមួយគ្នា ទាំងក្នុង និងក្រៅម៉ោងការងារ
សម្រាប់មនុស្សដែលគ្រាន់តែទាក់ទងគ្នាក្នុងម៉ោងធ្វើការ ហើយចប់ម៉ោងក៏លែងទាក់ទងនោះ អ្នកគ្រាន់តែជាអ្នកធ្វើការជាមួយគ្នាធម្មតា។ ផ្ទុយមកវិញ មិនថា ម៉ោងណាក៏ដោយ ហើយដើរលេងខាងក្រៅម៉ោងធ្វើការក៏ដោយ ក៏អ្នកតែងរកគ្នានោះ មានន័យថា អ្នកទាំងពីរបានក្លាយជាមិត្តនឹងគ្នាពិតមែនហើយ។
២. មកធ្វើការអត់ឃើញ ជីវិតដូចអត់ន័យ
នៅពេលដែលមិត្តកន្លែងការងារដែលអ្នកស្រលាញ់ចូលចិត្តដាក់ច្បាប់មិនមកធ្វើការនោះ អ្នកមានអារម្មណ៍ថា ថ្ងៃនោះដូចជាយូរខ្លាំងណាស់ ហើយដូចជាគ្មានន័យបន្តិចណាឡើយ។ អ្នកចង់ឲ្យតែចប់ម៉ោងការងារឆាប់ៗអាងបានទៅផ្ទះប៉ុណ្ណោះ។
៣. ជុំគ្នានិយាយដើមអ្នកដទៃ
ទោះបីជាដឹងថា នេះគឺជាទម្លាប់មួយដែលមិនល្អក៏ពិតមែន តែវាជារឿងដែលខ្វះមិនបានសម្រាប់អ្នកស្និទ្ធិគ្នានៅកន្លែងការងារ។ ហើយបើអ្នកមានក្រុមជិតស្និទ្ធិគ្នាទៀតនោះ ធានាថា គោលដៅដែលអ្នកនិយាយដើមនោះគឺអត់រួចខ្លួនឡើយ ព្រោះនិយាយគ្មានថ្ងៃចប់។
៤. ជាបុគ្គលសម្រាប់ប្រឹក្សាគ្រប់រឿង
មិនថារឿងពិបាកចិត្តការងារ ឬស្នេហាឯកជននោះទេ អ្នកតែងប្រាប់គ្នាជានិច្ចដើម្បីជួយរកដំណោះស្រាយឲ្យគ្នាទៅវិញទៅមក៕