លែងលះគ្នា២ខែហើយ តែកូនៗរបស់សាន់ឆាយមិនទាន់ដឹងថាឪពុកម្ដាយបែកគ្នានោះទេ
- 2022-01-24 03:26:00
- ចំនួនមតិ 0 | ចំនួនចែករំលែក 0
លែងលះគ្នា២ខែហើយ តែកូនៗរបស់សាន់ឆាយមិនទាន់ដឹងថាឪពុកម្ដាយបែកគ្នានោះទេ
ទាំងកំពូលតារាសម្ដែងស្រីតៃវ៉ាន់ Barbie Hsu និងអតីតស្វាមីសុទ្ធតែមិនទាន់ហ៊ានទម្លាយថាអ្នកទាំងពីរលែងលះឲ្យកូនៗបានដឹងទាំងអស់។
កាលពីថ្ងៃទី ២២ ខែមករាកន្លងទៅនេះ បណ្ដាញព័ត៌មាន Sina បានរាយការណ៍ថា ទទួលបានបទសម្ភាសន៍មួយ អ្នកជំនួញ Wang Xiaofei អតីតស្វាមីរបស់តារាសម្ដែងស្រីជួរមុខតៃវ៉ាន់ Barbie Hsu បានប្រាប់ថា មកទល់ពេលនេះលោកមិនទាន់ហ៊ានប្រាប់កូនៗនៅឡើយទេថា ប្ដីប្រពន្ធលោកបានលែងលះគ្នា។
មិនត្រឹមតែប៉ុណ្ណោះ នៅពេលត្រូវគេសួរថា៖ តើលោកមិនខ្លាចថ្ងៃណាមួយកូនចាប់អារម្មណ៍ហើយសួរថា ហេតុអ្វីអ្នកទាំង២មិននៅជាមួយគ្នា តើពេលនោះលោកនឹងឆ្លើយយ៉ាងម៉េច? អ្នកជំនួញវ័យ ៤០ឆ្នាំ ក៏បានត្រឹមតបថា លោកក៏មិនដឹងថាឆ្លើយយ៉ាងម៉េចដែរ មានតែទុកឲ្យពេលវេលាជាអ្នកឆ្លើយតែប៉ុណ្ណោះ។
Sina បានឲ្យដឹងថា ដោយសារតែមុនពេលលែងលះ Wang Xiaofei ក៏មិនសូវទៅកោះតៃវ៉ាន់ច្រើន ដោយភាគច្រើនគឺនៅចិនដីគោក ដូចនេះហើយកូនៗមិនសូវជាឆ្ងល់ប៉ុន្មានដែរ ដោយរាល់ថ្ងៃ មានតួរឿង F4 ជាអ្នកមើលថែ។ បង្ហើបពីមូលហេតុបែកគ្នាជាមួយប្រពន្ធ លោកបានឲ្យដឹងថា រយៈពេលបែកគ្នាយូរពេកដោយសារតែជំងឺកូវីដ១៩ បានធ្វើឲ្យមនោសញ្ចេតនារបស់អ្នកទាំងពីរលែងស្អិតរមួតដូចមុន ហើយទីបញ្ចប់ទើបឈានដល់ការលែងលះនេះ៕