រូបភាពគេថតបាន Zhao Lusi មិនទាន់ Edit ល្បីផ្ទុះព្រោះស្អាតពេកទាំងហត់គ្មានពេលសម្រាក
- 2021-09-14 03:50:00
- ចំនួនមតិ 0 | ចំនួនចែករំលែក 0
រូបភាពគេថតបាន Zhao Lusi មិនទាន់ Edit ល្បីផ្ទុះព្រោះស្អាតពេកទាំងហត់គ្មានពេលសម្រាក
ទោះបីជារាងកាយត្រូវធ្វើការគ្មានពេលសម្រាកយ៉ាងម៉េចក៏ដោយ តែតារាសម្ដែងស្រីកំពុងឡើងកូដ Zhao Lusi នៅតែរក្សាបានសម្រស់ស្រស់ស្អាតដដែរ។
កាលពីថ្ងៃទី ៩ ខែកញ្ញាមុននេះ បណ្ដាញព័ត៌មាន QQ បានរាយការណ៍ថា តារាសម្ដែងស្រីស្រករក្រោយចិន Zhao Lusi ត្រូវបានចាត់ទុកថាជាសិល្បករដែលលេចធ្លោបើធៀបនឹងមិត្តរួមជំនាន់របស់ខ្លួន។ ទោះមានប្រវត្តិជាអ្នកសម្ដែងមិនអាជីព ដោយគ្រាន់តែសម្ដែងរឿងបង្ហោះលើអ៊ីនធឺណិតក៏ដោយ តែនៅពេលនេះស្រីស្អាតអាយុ ២២ឆ្នាំ បានឈានឡើងដល់តំណែងតួឯកសម្ដែងជាមួយកំពូលតារាសម្ដែងប្រុស Yang Yang ហើយ។
ក្រៅពីកេរ្តិ៍ឈ្មោះកាន់តែបោះសំឡេងនោះ សម្រស់របស់តារាស្រីកើតឆ្នាំ ១៩៩៨ ក៏ទទួលបានការចាប់អារម្មណ៍ដូចគ្នា។ ជាក់ស្ដែង មុននេះបន្តិច ឆ្លៀតពេលពីការថតរឿងថ្មីរបស់ខ្លួន តួរឿង The Long Ballad បានទៅថតកម្មវិធី Happy Camp ដើម្បីផ្សព្វផ្សាយរឿងមួយទៀត។
ទោះបីជាមុនពេលទៅថតកម្មវិធីនេះ Lusi បានថតរឿងពេញមួយថ្ងៃក្ដី តែរូបភាពធ្វើដំណើរតាមផ្លូវថតដោយទស្សនិកជនដែលប្រទះឃើញ ហើយមិនទាន់ឆ្លងកាត់ការ Edit អ្វីទាំងអស់ នៅតែស្អាតធ្វើឲ្យគេមើលមិនព្រិចភ្នែក។ អ្នកមានវត្តមានផ្ទាល់នៅទីតាំងថតបានលាន់មាត់ថា ទោះបីជាស្ថិតក្នុងសភាពហត់ខ្លាំងក្ដី តែតារាស្រីរូបនេះហាក់មិនបាក់សម្រស់ឡើយ នៅតែស្អាតដដែរ៕