ស្ត្រីឆោតកប់យុវភាពក្នុងចង្ក្រាន មនុស្សស្រីឆ្លាត ស្លៀកពាក់ស្អាតចូលសង្គម

2021-06-22 07:47:00
ចំនួនមតិ 0 | ចំនួនចែករំលែក 0

កុំបដិសេធការជួបជុំ កុំសំចៃចំណាយលើខ្លួនឯង កុំត្បៀតរឿងធ្វើឲ្យខ្លួនស្អាត។ មិនមែនរាល់ការធ្វើខ្លួនសុទ្ធតែភាពខូចខិលនោះទេ មានតែគំរិះលើខ្លួនឯងពេកទេ ទើបធ្វើឲ្យខ្លួនឯងខាតបង់។

ប្រសិនបើមានអ្វីម្យ៉ាងរបស់មនុស្សស្រីដែលអាចផុតដឺឡេនោះ ប្រាកដជាយុវភាពរបស់នាង។ គ្រាន់តែព្រិចភ្នែកបន្តិច រយៈពេលយុវវ័យរបស់មនុស្សស្រីបានស្ថិតនៅក្រោយខ្នងរបស់ពួកគេរួចទៅហើយ។ គិតឡើងវិញ សួរថាតើជីវិតមនុស្សស្រីមានរយពេលប៉ុន្មានថ្ងៃដែលសប្បាយ និងស្អាតឆើតឆាយនោះ។

រូបភាពរបស់មនុស្សស្រី ដែលគេតែងរំពឹងនោះគឺ ធ្វើម្ហូបឲ្យឆ្ងាញ់ ពូកែទុកដាក់ផ្ទះសម្បែង មើលថែកូន និងប្ដី។ អាចមកពី តាំងពីក្មេងមនុស្សស្រីត្រូវគេបញ្ច្រកគំនិតទាំងនេះចូលក្នុងខួរក្បាលហើយ ទើបដល់ពេលពេញវ័យ ពួកគេតែងតែរស់នៅប្រកបទៅដោយការលះបង់។

តែពេលនេះកាលៈទេសៈប្រែប្រួល សូមកុំបង្ខំមនុស្សស្រីឲ្យរស់នៅក្នុងឃ្នាបគំនិតបុរាណបែបនេះទៀត។ សួរថាបង្ខំគេឲ្យរស់នៅបែបនេះ តើអ្នកសប្បាយពេញចិត្តឬ? ដូចនិយាយខាងលើចឹង រយៈពេលដែលមនុស្សស្រីស្អាតបំផុតមិនមានយូរឡើយ រវល់តែរស់នៅលើការគិតរបស់គេ ធ្មិចបើកអស់ហើយ ពេលដែលសប្បាយ។ សូមចាត់ទុកថាសម្ដីដូចជាខ្យល់ ចូលខាងស្ដាំ ចេញខាងឆ្វេង ព្រោះបើផ្គាប់ចិត្តបានមនុស្សទាំងអស់ មានតែមនុស្សស្រីឆោតទេ ទើបទៅធ្វើបែបនេះ។

មនុស្សស្រីឆ្លាត តែមិនខិលខូចនៅតែមាន នៅតែចេះដើរលេង នៅតែចេះជួបជុំមិត្តភ័ក្ដិ តែការងារ និងអាជីពសម្រាប់ខ្លួនឯងនៅតែមាន ហើយជោគជ័យទៀតផង។ នារីសម័យថ្មីគឺបែបនេះ បានទាំងអស់ មិនថាការសប្បាយ ឬជំនាញឡើយ គឺមិនខ្វះអ្វីទាំងអស់។ ហេតុនេះហើយ ប្រសិនបើកប់យុវភាពរបស់ខ្លួនក្នុងចង្ក្រានគឺជាខាតធ្ងន់ខ្លាំងណាស់៕

ប្រភព៖ Phunutoday ប្រែសម្រួល៖ Caramel