Fan ភ្ញាក់ផ្អើលនឹងតម្លៃខ្លួនរបស់កំពូលតារាសម្ដែង លី តឺហួរ ក្រោយចូលវ័យកាន់តែជ្រេ

2021-03-09 09:35:00
ចំនួនមតិ 0 | ចំនួនចែករំលែក 0

ទោះបីជាតារាលំដាប់កំពូលដែលមិនអាចជំនួសបានក្ដី តែតម្លៃខ្លួនសម្រាប់វណ្ណកម្មមួយរបស់សិល្បករ Andy Lau នៅទាបជាងតារាលំដាប់ទី២នៅចិនឆ្ងាយណាស់។

មុននេះបន្តិច បណ្ដាញព័ត៌មាន ETtoday បានរាយការណ៍ពីតម្លៃខ្លួនរបស់អធិរាជភាពយន្តហុងកុង Andly Lau នាពេលបច្ចុប្បន្ន។ តាមនោះដែរ តម្លៃខ្លួនរបស់កំពូលតារាហុងកុងនៅពេលនេះ នៅតែខ្ពស់ តែទាបជាងតារានៅចិនដីគោកឆ្ងាយណាស់។ មិនត្រឹមតែទាបជាងតារាលំដាប់ A នោះទេ សូម្បីតែតារាលំដាប់ B នៅចិនដីគោកក៏មានតម្លៃខ្លួនខ្ពស់ជាងលោកដែរ។

ប្រភពដដែលបានឲ្យដឹងថា សម្រាប់ភាពយន្តមួយនៅពេលនេះ តារាអាយុ ៥៩ឆ្នាំទទួលបានប្រមាណ ៣,៥លានដុល្លារ។ ET ក៏បានបន្ថែមថា កាលពីប៉ុន្មានឆ្នាំមុន លោកបានសម្ដែងក្នុងរឿង២ដែលលក់សំបុត្របានច្រើន តែតម្លៃខ្លួនសម្រាប់រឿងមួយបានតែ ៨៩ម៉ឺនដុល្លារប៉ុណ្ណោះ។

បណ្ដាញព័ត៌មាន Sina បានឲ្យដឹងថា សម្រាប់រឿងថ្មីមួយ ផលិតករយ៉ាងហោចណាស់ក៏ត្រូវចំណាយ៦លានដុល្លារដែរបើចង់ឲ្យតួលំដាប់ B ដូចជា Huang Bo ឬ Xu Zheng ទទួលសំណើរ។ ប្រភពខាងលើក៏បានលើកឡើងដែរថា រឿងដែលទើបត្រូវប៉ាន់កាលពីចូលឆ្នាំចិនមុននេះ គឺ Detective Chinatown ដែលមាន Wang Bao Qiang សម្ដែងនោះ គឺទទួលបានលុយដល់ទៅ ១២លានដុល្លារ ពោលគឺគុណនឹង លី តឺហួរដល់ទៅ ៤ដង។

Sina បានបញ្ចេញមតិថា ទោះបីជាមានអាយុច្រើន និងលែងឈរកំពូលហើយមែនពិត តែគួរតែចងចាំនូវការលះបង់របស់លោកសម្រាប់វិស័យសិល្បៈចិន ដោយមិនគួរឲ្យតម្លៃខ្លួនលោកទាបជាងតារាលំដាប់ B នោះឡើយ៕