រឿងទាំងប៉ុន្មានចំនុចនេះហើយដែលត្រូវបានគេយកមកថ្លឹងថ្លែងថា ក្នុងកុន និង ជីវិតពិត វាខុសគ្នាខ្លាំងយ៉ាងណា៖

១. ដកចិត្តមិនរួចតាំងពីជួបដំបូង

ភាគច្រើនគេតែងនិយាយថា ឃើញភ្លាមស្រលាញ់ភ្លែត តែអ្វីដែលកាន់តែពិសេស ធ្វើអោយការស្រលាញ់កាន់តែជ្រាលជ្រៅនោះគឺរវាងមនុស្សដែលមិនចូលចិត្តគ្នាពេលជួបដំបូង ព្រោះថាជួនកាលមនុស្សដែលមិនពេញចិត្តនេះហើយ ដែលធ្វើអោយមិនអាចឈប់គិតពីគេសោះ។

២. ឈ្លក់វវ្វេងនឹងរឿងដូចគ្នា

ធម្មតាមនុស្សដែលមានចំនង់ចំនូលចិត្តដូចគ្នា ប្រាកដជាមានរឿងនិយាយគ្នាច្រើន ហើយក៏ងាយស្រួលនឹងចុះសំរុងគ្នាជាងមនុស្សទូទៅ តែអ្វីដែលធ្វើអោយមនុស្សម្នាក់កាន់តែទាក់ទាញសម្រាប់មនុស្សម្នាក់ទៀត គឺអាចពីគេជាមនុស្សដែលផ្ទុយស្រឡះពីខ្លួន ដែលធ្វើអោយចិត្តនេះចេះតែចង់ស្វែងយល់ពីគេ ចង់ដឹងថាហេតុអីបានជាគេមិនគិតដូចខ្លួនសោះអ៊ីចឹង។

៣. គ្រាន់តែសម្លឹងមើលភ្នែក ក៏ដឹងថាគេចង់បានអ្វី

រឿងពិត វាមិនដូចជាក្នុងកុនគេសម្ដែងមកនោះទេ ដែលគ្រាប់តែសម្លឹងភ្នែកគ្នាក៏អាចដឹងពីចិត្តបានច្បាស់ដូចថ្ងៃ។ មនុស្សដែលស្រលាញ់គ្នាក្រៅឆាកនោះ ត្រូវការទាមទារ អោយមានការស្វែងយល់ពីគ្នាយ៉ាងយូរ ហើយពេលខ្លះទោះជាប្ដីប្រពន្ធក៏ មិនអាចនឹងរហូតមិនសល់ចន្លោះពីជីវិតដៃគូ ដល់ថ្នាកក្រឡេកឆេះបែបនេះនោះទេ។

៤. មានសេចក្ដីសុខ និង ល្អូកល្អឹនគ្រប់ពេល

បើសិនជាអ្នកមានការរពឹងបែបនេះ ប្រាកដជាត្រូវខូចចិត្តជាមិនខាន​ពេលដែលមមានស្នេហា។ ក្នុងជីវិតពិតជាក់ស្ដែង បើសិនជាបែបនេះមែនគូស្នេហ៏មួយគូរប្រាកដជាទាក់ទងគ្នាមិនបានយូរនោះទេ ព្រោះថាក្នុងចំនោមអ្នកទាំង ២ ប្រាកដជាមានម្នាក់ដែលត្រូវខាំមាត់សង្កត់ចិត្ត ហើយត្រូវយល់ស្របតាមភាគីម្ខាងទៀតជាមិនខាន។

៥. មានទំនាក់ទំនងជាមួយមនុស្សជុំវិញខ្លួនគេ

ការស្រលាញ់គ្នា មិនមែនស្ថិតនៅលើតែមនុស្សពីរនាក់នោះទេ សូម្បីតែបងប្អូនមិត្ត ភាគីទាំងសងក៏សំខាន់ណាស់ដែរ ហើយក៏ជាមូលហេតុដែលធ្វើអោយស្នេហាមួយបែកបាក់បានដែរ។ ព្រោះថាមនុស្សម្នាក់ៗមានការគិតផ្សេងៗពីគ្នា វាអាចនឹងពិបាកបន្តិចដែលមនុស្សដែលអ្នកពេញចិត្ត ក៏ត្រូវចិត្តអ្នកជុំវិញខ្លួនអ្នកដែរនោះ។

៦. នៅក្បែរគ្នាជានិច្ច

នៅក្នុងជីវិតពិត គូស្នេហ៏ដែលអាចស្រលាញ់គ្នារាប់ឆ្នាំបាន ភាគច្រើនជាមនុស្សដែលចេះទុកគេអោយគេមានពេលផ្ទាល់ខ្លួនខ្លះ ព្រោះតែទុកចិត្តគ្នាខ្លាំងហើយដែរ។ ផ្ទុយទៅវិញ បើសិនជានៅក្បែរគ្នាគ្រប់ពេលពេកនោះ ប្រាកដជាចាប់ផ្ដើមធុញ និង អស់ចិត្តពីគ្នាមិនខាន។