ជីវិតសុខស្រួល មានគ្រប់យ៉ាងទៅហើយ ហេតុអ្វីនៅតែមិនអាចស្គាល់សេចក្ដីសុខបានសោះ?
- 2021-02-18 02:21:00
- ចំនួនមតិ 0 | ចំនួនចែករំលែក 0
ជីវិតសុខស្រួល មានគ្រប់យ៉ាងទៅហើយ ហេតុអ្វីនៅតែមិនអាចស្គាល់សេចក្ដីសុខបានសោះ?
ភាគច្រើនគេតែងនិយាយថា សុភមង្គលអាចកើតចេញពីរឿងតូចតាច និង សាមញ្ញបំផុត។ អ្នកខ្លះក៏មានសំណាងណាស់ ដែលអាចមានអារម្មណ៏ថាសប្បាយចិត្ត ពេលភ្ញាក់ពីគេងមក តែមិនមែនមនុស្សទាំងអស់សុទ្ធតែអាចមានអារម្មណ៏បែបនេះបាននោះទេ។ អ្នកមិនអាចមានអារម្មណ៏ថាបានស្ងប់សុខក្នុងជីវិតទាល់តែសោះ ព្រោះតែមូលហេតុសាមញ្ញទាំងនេះហើយ៖
១. មនុស្សភាគច្រើនអាចនឹងភ្លេចក្រឡេកមកមើលភាពជោគជ័យរបស់ខ្លួន ដោយតែងតែសំលឹងទៅរកអ្វីដែលគេចង់បានក្នុងថ្ងៃអនាគតច្រើនហួសហេតុពេក។
២. ព្យាយាមគ្រប់គ្រងជីវិតខ្លួនឯងគ្រប់ជ្រុងជ្រោយពេក ហើយចាប់ផ្ដើមបន្ទោសខ្លួនឯងនៅពេលដែលរឿងពិតជាក់ស្ដែង វាមិនដូចអ្វីដែលគិតទុក។
៣. ចងគំនុំនឹងអ្នកដទៃ ធ្វើអោយចិត្តស្អប់ និង ច្រណែនឈ្នានីសនេះ ដែលនាំមកតែរឿងឈឺក្បាល និង ទុក្ខសោកកាន់តែច្រើន។
៤. ចូលចិត្តប្រៀបធៀបជីវិតខ្លួនឯងទៅនឹងអ្នកដទៃ
៥. សម្លឹងមើលឃើញតែភាពជូរចត់ និង រឿងមិនសមបំណងនៅក្នុងជីវិត។
៦. វាស់ស្ទង់សុភមង្គលខ្លួនឯងដោយទ្រព្យសម្បត្តិ និង លុយកាក់តែម្យ៉ាង។
៧. រាប់អានតែមនុស្សប្រភេទ Toxic ដែលធ្វើអោយជីវិតកាន់តែអួរអាប់។
៨. កាត់ចិត្តមិនបានពីរឿងដែលកន្លងហួងទៅហើយ ទាំងមិនអាចធ្វើអ្វីទៅកែប្រែបានមិនថាចំនាយពេលគិតសារឡើងវិញយូរប៉ុណ្ណា។
៩. ដាក់ទោសខ្លួនឯងជាមួយនឹងក្ដីស្រម៉ៃ និង ការរំពឹងទុកដែលដឹងច្បាស់ក្នុងចិត្តហើយថាមិនអាចទៅរួច។
១០. អនុញ្ញាតអោយអ្នកដទៃកំណត់សេចក្ដីសុខរបស់ខ្លួនឯង។