ចៀសបានភាសាទាំង៣នេះ ជីវិតសុខស្រួល គ្មានមារសត្រូវមកឈ្នានីស
- 2020-09-03 03:38:00
- ចំនួនមតិ 0 | ចំនួនចែករំលែក 0
ចៀសបានភាសាទាំង៣នេះ ជីវិតសុខស្រួល គ្មានមារសត្រូវមកឈ្នានីស
នៅក្នុងសង្គមបច្ចុប្បន្ន ស្ទើរតែ១០០ភាគរយទៅហើយ ដែលបញ្ហាកើតឡើងដោយសារពាក្យសម្ដី។ មនុស្សឆោតនិយាយមុខក្រោយ មិនចេះគិត។ មនុស្សឆ្លាតនិយាយថាទេ ចំពោះភាសាទាំង៣នេះ។ បើចង់សុខខ្លួន គ្មានជម្លោះជាមួយអ្នកណា គួរចៀសឲ្យឆ្ងាយពីការនិយាយរឿងទាំង៣នេះ។
១. ពីមុខមិននិយាយសម្ដីក្រអឺតក្រទម
ភ្នំមួយខ្ពស់ នៅមានភ្នំមួយទៀតខ្ពស់ជាងទៀត។ នៅលើលោកមួយនេះ មិនខ្វះឡើយមនុស្សដែលពូកែជាងយើង ឆ្លាតជាងយើង និងឧស្សាហ៍ជាងយើង។ ដូចនេះ សម្ដីនិយាយចេញមក កុំក្អេងក្អាងខ្លាំងពេក ប្រយ័ត្នគេសើចពីក្រោយខ្នង។ ពីបុរំបុរាណមក មានតែមនុស្សក្អេងក្អាងទេ ដែលគិតថាខ្លួនប្រសើរជាងគេ មនុស្សឆ្លាតពិត គេតែងចេះដាក់ខ្លួនជានិច្ច។
២. ពីក្រោយខ្នង មិននិយាយសម្ដីមិនបានការ
Platon អ្នកប្រាជ្ញជនជាតិ Greek បានបន្សល់នូវពាក្យស្លោកមួយថា៖ មនុស្សមានបញ្ញានិយាយនៅពេលគេមានពាក្យនិយាយ មនុស្សល្ងង់និយាយព្រោះចង់និយាយ។ សួរថា បើមួយថ្ងៃៗ គ្មានរឿងអ្វីធ្វើដោយនៅចាំតែច្រណែនពីក្ដីសុខរបស់អ្នកដទៃ តើយើងមានអនាគតឬអត់។ មនុស្សឆ្លាតដាច់ខាតមិននិយាយដើមគេឡើយ ព្រោះគេដឹងច្បាស់ថា មានតែបុគ្គលអន់ជាងគេទេ ទើបនិយាយដើមក្រោយខ្នងគេ។
៣. សើចចំអកអ្នកដទៃ
ក្នុងសង្គមនេះ ទោះបីជាត្រូវបានគេណែនាំថា មនុស្សមិនឲ្យមើលងាយមនុស្សក៏ពិតមែន តែមនុស្សជាច្រើននៅតែរក្សាគំនិតនេះដដែរ ដោយតែងមាក់ងាយ បន្ទាបមនុស្សដែលមិនដល់ខ្លួន ឬលើកខ្លួនលើសកម្រិតជាដើម។ ត្រូវចាំថា លើលោកនេះគ្មានអ្វីស្ថិតស្ថេរឡើយ ថ្ងៃនេះយើងឡើងចាង មិនប្រាកដថាថ្ងៃក្រោយយើងនៅតែដូចនេះឡើយ ដូចពាក្យគេថាជីវិតមនុស្សមើលមិនឃើញដែរ។ ឃើញគេទាល់ក្រ បើមិនសណ្ដោសអាណិតក៏មិនគួរមើលងាយគេដែរ៕