ចង់បានរាងស្វែល អាចរៀនញ៉ាំតាមរាជិនីសម្រស់ចិន ទម្ងន់៣៨គីឡូនេះបាន
- 2020-08-21 04:00:00
- ចំនួនមតិ 0 | ចំនួនចែករំលែក 0
ចង់បានរាងស្វែល អាចរៀនញ៉ាំតាមរាជិនីសម្រស់ចិន ទម្ងន់៣៨គីឡូនេះបាន
ជាមួយនឹងការញ៉ាំអាហារដ៏ប្រុងប្រយ័ត្នរបស់ខ្លួន រាងកាយរបស់តារាសម្ដែង និងចម្រៀងល្បីឈ្មោះចិន Ju Jing Yi មិនដែលកើនលើស ៤០គីឡូឡើយ។ ដោយសារតែនៅពេលចូលកាមេរ៉ា HD រាងកាយរបស់តារាទាំងអស់នឹងកើនជាងមុន៥ ទៅ១០គីឡូ ដូចនេះហើយ ដើម្បីឲ្យពេលចូលកាមេរ៉ាឃើញទៅស្អាត សិល្បករទាំងអស់ ត្រូវមានរាងស្គមជាងធម្មតា។
អាស្រ័យហេតុនេះហើយ សិល្បការិនីចិនភាគច្រើន សុទ្ធតែនិយមរាងស្គមស្ដើងទាំងអស់ ទោះបីជានៅខាងក្រៅគេវាយតម្លៃពួកគេថា ខ្សោះជីវជាតិក៏ដោយ។ ទោះជាយ៉ាងណាក៏ដោយ មិនមែនអ្នកណាក៏អាចរក្សាបានរាងស្គមនោះឡើយ ព្រោះម្ហូបអាហារឆ្ងាញ់ៗពីមួយថ្ងៃទៅមួយថ្ងៃមានកាន់តែច្រើនឡើង។ នៅក្នុងចំណោមនោះ រាជិនីសម្រស់ថ្មីរបស់ចិន តារាសម្ដែង និងចម្រៀងស្រី Ju Jing Yi ត្រូវបានគេចាប់អារម្មណ៍ជាពិសេសដោយសារមានរាងដូចក្រមុំជ័រ។
តាមនោះដែរ ជាមួយកម្ពស់ ១.៦០ម ស្រីស្អាតវ័យ ២៦ឆ្នាំ មានទម្ងន់ត្រឹមតែ ៣៦គីឡូប៉ុណ្ណោះ។ នៅក្នុងការផ្សាយឡាយមួយ កាលពីពេលថ្មីៗនេះ តួរឿង ពស់សពស់ខៀវ បានបង្ហើបគន្លឹះរក្សារាងរបស់ខ្លួនថា ត្រូវតែទំពារឲ្យយូរមុនពេលលេប ទើបមិនឡើងគីឡូ។ ជាក់ស្ដែង ពេលទំពារយូរ អាហារនឹងម៉ត់ ក្រពះងាយកិន ធ្វើឲ្យអាហារមិនបំលែងជាជាតិខ្លាញ់ឡើយ។
មិនត្រឹមតែប៉ុណ្ណោះ ការទំពារយូរនឹងធ្វើឲ្យយើងមានអារម្មណ៍ថា យើងញ៉ាំច្រើន ឆាប់ឆ្អែត និងមិនចង់ញ៉ាំបន្តទៀត។ ដោយការទទួលទានអាហារដូចនេះ ម្ចាស់បទ Tan Yun Xi រក្សាទម្ងន់ខ្លួនមិនឲ្យកើនលើស ៤០គីឡូឡើយ៕