ដឹងប្រវត្តិត្រួសៗតារាលំដាប់ A របស់ថៃ Aum ទើបដឹងថាស្អាតទាំងចិត្តទាំងកាយ

2020-07-01 10:30:00
ចំនួនមតិ 0 | ចំនួនចែករំលែក 0

Aum Patcharapa ត្រូវគេចាត់ទុកជាកំពូលតារាប្រចាំប្រទេសថៃ ដែលមិនត្រឹមមានសម្រស់ស្អាតនោះទេ ប៉ុន្តែក៏ជានារីដែលមានភាពចាស់ទុំនិងថ្លៃថ្នូរផងដែរ។ ទោះជាតារាលំដាប់ក៏ដោយ តែ Aum ចូលចិត្តប្រើជីវិតបែបសាមញ្ញ គួរឲ្យសរសើរបំផុត។ ចំណុចដ៏ទាក់ទាញបំផុតរបស់តារាល្បីល្បាញរូបនេះ គឺជាមនុស្សចិត្តល្អ ចូលចិត្តជួយអ្នកដទៃ ព្រមទាំងចិត្តបុណ្យជាមួយសត្វផងដែរ។

ថ្ងៃនេះ កញ្ញា នឹងនាំប្រិយមិត្តមកដឹងប្រវត្តិត្រួសៗរបស់ កញ្ញា Aum Patcharapa ដែលត្រូវគេស្គាល់ថាជាសិល្បការីនីជើងខ្លាំងប្រចាំប្រទេសថៃ៖

-ឈ្មោះក្នុងសំបុត្រកំណើត៖ Chai Chaimook pearls តែក្រោយមកដូរជា Patcharapa Chaichuea

-ឈ្មោះហៅក្រៅ៖ Nan

-ថ្ងៃខែឆ្នាំកំណើត៖ ៥ ធ្នូ ១៩៧៨

-កើតនៅទីក្រុងបាងកក

ប្រវត្តិសិក្សា៖

-រៀនមតេយ្យនៅសាលា Thaninthon Kindergarten

-រៀនចប់ថ្នាក់បឋមសិក្សានៅសាលា Satriworanat School

-រៀនចប់ថ្នាក់វិទ្យាល័យនៅសាលា Permadunee School

-បញ្ចប់ការសិក្សាផ្នែកទំនាក់ទំនងសាធារណៈនិងសិល្បៈ ពីសាកលវិទ្យាល័យ Rangsit

ប្រវត្តិខ្លះៗពី Aum

ដំបូងឡើយ ឪពុកម្តាយ Aum បានដាក់ឈ្មោះឲ្យថា Chai Chaimook pearls ដែលពាក្យ pearls មានន័យថា ស្បែកដែលសភ្លឺថ្លា។ ប៉ុន្តែព្រះសង្ឃមានសង្ឃដីការថា Chai មានសម្លេងស្រដៀង Khai ដែលពុំសូវល្អឡើយ។ ដូច្នេះ ឪពុកម្ដាយAum ក៏ប្ដូរឈ្មោះមកជា Patcharapha វិញ ហើយហៅឈ្មោះក្រៅកូនស្រីថា Nan ។

ក្រោយមក ម្ដាយរបស់តារារូបនេះក៏ហៅកូនថា Aum វិញ ដោយសារក្នាញ់នឹងកូនស្រីជាក្មេងមិនរើសចំណីទេ ពេលដែលម្ដាយបញ្ចុកអាហារម្ដងៗ។

បើនិយាយពីបុគ្គលិកលក្ខណៈផ្ទាល់របស់តារាសាច់ចាំរូបនេះ ត្រូវបានមជ្ឈដ្ឋានទូទៅកោតសរសើរពីអត្តចរិតថ្លៃថ្នូរ ចេះឱនលំទោន ងាយចុះសម្រុង និងមិនឆ្មើងឆ្មៃ តាំងខ្លួនជាតារាល្បីនោះទេ។ បើទោះ Aum ក្លាយជាតារាលំដាប់ A ក៏ដោយ តែ Aum នៅតែប្រើជីវិតសាមញ្ញ និងដាក់ខ្លួនបំផុត។

បន្ថែមពីលើសម្រស់ស្រស់ស្អាត នាងក៏ជាមនុស្សមានចិត្តល្អ ដែលតែងតែបរិច្ចាគថវិកាលើការអភិរក្សប្រាសាទ និងចិត្តបុណ្យជាមួយសត្វផងដែរ។ Aum មានចិត្តមេត្តាបំផុតពេលឃើញឆ្មា ឬឆ្កែអនាថា វង្វេងផ្លូវរកម្ចាស់មិនឃើញ។ នាងក៏មាន IG ដែលដាក់ឈ្មោះថា aum_bokbok_lover ដែលជា គណនីពិសេសសម្រាប់និយាយពីការជួយមនុស្សក្រីក្រ កិច្ចការសង្គម រួមទាំងសត្វអនាថា តាមរយៈការបរិច្ចាគថវិកាផ្សេងៗផងដែរ។