តើចេកមួយណាដែលអ្នកពេញចិត្តជាងគេ? រើសមួយ ដើម្បីដឹងថ្ងៃខាងមុខ អ្នកជួបរឿងអ្វីខ្លះ
- 2020-04-29 06:35:00
- ចំនួនមតិ 0 | ចំនួនចែករំលែក 0
តើចេកមួយណាដែលអ្នកពេញចិត្តជាងគេ? រើសមួយ ដើម្បីដឹងថ្ងៃខាងមុខ អ្នកជួបរឿងអ្វីខ្លះ
នៅក្នុងជីវិត គ្រប់គ្នាសង្ឃឹមថានឹងរស់នៅដោយក្តីរីករាយ ប៉ុន្តែពេលខ្លះឆាកជីវិតមនុស្សមានឡើងមានចុះមិនដូចការរំពឹងទុកឡើយ។ មិនតែប៉ុណ្ណោះ អ្នកខ្លះក៏រងការឈឺចាប់ថែមទៀត។ ដូច្នេះហើយ សុភមង្គលពិត មិនអាស្រ័យតែម្យ៉ាងលើមាសប្រាក់នោះទេ ។ អ្នកអាចសាកល្បងទស្សន៍ទាយដោយការរើសចេកមួយក្នុងរូប រួចផ្ទៀងផ្ទាត់ចម្លើយដើម្បីដឹងថា ខ្សែជីវិតអ្នកអាចរលូនដូចខ្សែទឹកហូរដែរឬទេ ក្នុងរយៈពេលខាងមុខ។
១. បើអ្នករើសចេក A
ចិត្តរបស់អ្នកនឹងពោរពេញដោយរឿងរ៉ាវល្អៗ នៅពេលខាងមុខ ភាពជូរចត់នឹងត្រូវកាត់បន្ថយ។ បើទោះជាសង្គមនេះបានបង្ហាញការពិតឲ្យអ្នកឃើញយ៉ាងច្បាស់រហូតស្ទើរមិនគួរឲ្យជឿ តែវាគ្មានអំណាចអ្វីមកបណ្ដាលឲ្យអ្នកបាក់ទឹកចិត្តឡើយ ហើយនៅពេលខាងមុខ ជីវិតអ្នកនឹងរីករាយយ៉ាងខ្លាំង។ រឿងរ៉ាវជាច្រើនក៏រលូនបន្តិចម្តងៗដូចអ្វីដែលអ្នកប៉ងប្រាថ្នា។ អ្នកអាចប្រមូលបានការសប្បាយទាំងនោះនៅវ័យពាក់កណ្ដាលនៃជីវិត។ ខ្សែជីវិតរបស់អ្នកពិតជាពេញដោយភាពស្រណុកស្រួល ហើយលើសពីនេះមានតែរឿងល្អៗកើតឡើងប៉ុណ្ណោះ។
២. បើអ្នករើសចេក B
អ្នកកំពុងរស់ក្នុងបច្ចុប្បន្នកាល តែជីវិតរបស់អ្នកហាក់កំពុងអណ្តែតរសាត់ក្នុងអតីតកាល ហើយវិលវល់ជាមួយអនាគតកាល។ អ្នកចេះតែត្រូវគេហាមប្រាមនិងបង្កការឈឺចាប់ស្ទើរដល់ចំណុចកំពូលពីមួយពេលទៅមួយពេល រហូតការព្រួយបារម្ភត្រូវបានបង្ហាញ។ យ៉ាងណាមិញ ជួនកាលវាក៏ធ្វើឲ្យសប្បាយចិត្តនៅពេលប្រៀបធៀបខ្លួនឯងនិងអ្នកដទៃ ដែលពេលខ្លះពួកគេជួបរឿងរំខានចិត្តជាងអ្នកទៅទៀត។ ដោយសារតែខ្សែជីវិតហាក់ដូចជាបត់បែនខ្លាំងពេក ដូច្នេះហើយអ្នកក៏ប្រឈមនឹងជម្លោះជាច្រើនផងដែរ។ ហេតុនេះ អ្នកគួររៀបចំឲ្យបានល្អ ដើម្បីចៀសវាងបញ្ហាផ្សេងៗ។
៣. បើអ្នករើសចេក C
ជីវិតរបស់អ្នកពេញដោយការចង់បាន អ្នកនឹងទទួលបានអ្វីកាន់តែច្រើនពេលអ្នកកើនអាយុពីមួយឆ្នាំទៅមួយឆ្នាំ ហើយវានឹងស្ថិតស្ថេរ។ រឿងដែលអ្នកមិនធ្លាប់គិត រឿងដែលអ្នកមិនរំពឹង វាអាចរលូនម្ដងៗបន្តិច។ អ្នកនឹងយល់ពីការរស់នៅថា ជីវិតមានសន្តិភាពនិងសុវត្ថិភាព គឺជារឿងសំខាន់បំផុត។ លើសពីនេះ អ្នកនឹងជ្រាបច្បាស់ថា មិនថាមាសប្រាក់ អំណាច មុខតំណែងខ្ពស់ ទាំងនេះសុទ្ធតែមិនមែនជារឿងចាំបាច់ឡើយ។ ពេលដែលអ្នកច្បាស់ពីរឿងទាំងនេះហើយ នៅពេលខាងមុខជីវិតរបស់អ្នកពេញដោយការលូនដូចអ្វីដែលអ្នកប្រាថ្នា។
៤. បើអ្នករើសចេក D
ជាមួយពេលវេលាតិចតួច ជួនកាលក៏ជាមូលដ្ឋានគ្រឹះធ្វើឲ្យអ្នកសប្បាយចិត្តផងដែរ។ អ្នកយល់ពីការបង្កើតជីវិតនិងការស្វែងរកសុភមង្គលសម្រាប់នរណាម្នាក់ ហើយដឹងពីរបៀបលៃលកឲ្យជីវិតរីករាយ ដោយចេះបង្កើតវាឲ្យមានភាពងាយស្រួល ដើម្បីអនាគតរបស់អ្នក។ បើទោះជាអ្នកជួបព្យុះភ្លៀង ឆ្លងកាត់ឧបសគ្គរាប់មិនអស់ តែនោះហើយជាកូនសោដើម្បីពង្រឹងអាកប្បកិរិយារបស់អ្នកបាន។ ម្ល៉ោះហើយ នៅពេលក្រោយអ្នកនឹងមានវេលាច្រើនតាមអ្វីដែលអ្នកចង់បាន និងភាគច្រើននៃពេលវេលាទាំងនោះគឺពេញដោយសុភមង្គល ដោយសារអ្នកចេះពីរបៀបធ្វើឲ្យជីវីតរស់នៅដោយក្តីរីករាយ៕
អានបន្ត៖ សូម្បីតែពាក់ចិញ្ចៀនតាមថ្ងៃកំណើតក៏អាចនាំលាភសំណាងបានដែរ