អាកប្បកិរិយា ៤ អាចបង្ហាញថាមិត្តប្រុសរបស់អ្នកមានចិត្តរារេចំពោះអ្នក

2020-04-13 08:30:00
ចំនួនមតិ 0 | ចំនួនចែករំលែក 0

អ្នកខ្លះនិយាយថា ការស្វែងរកស្នេហាមួយពិតជាពិបាកណាស់សម្រាប់ខ្លួន តែតាមការពិតទៅ ការរក្សាចំណងស្នេហ៍រវាងដៃគូរទំាងពីរគឺរឹតតែពិបាកជាងនឹងទៅទៀត។ ស្នេហាងាយបែកបាក់ណាស់ប្រសិនបើដៃគូរសងខាងមិនចុះសម្រុងគ្នា មិនមានភាពកក់ក្តៅជាមួយគ្នានោះ។ យ៉ាងណាមិញ ប្រសិនបើអ្នកសង្កេតឃើញមិត្តប្រុសរបស់អ្នកមានអាកប្បកិរិយា ៤ យ៉ាងនេះ អាចបញ្ជាក់ថាគេមានចិត្តមិនស្មោះត្រង់ជាមួយអ្នកដូចមុនទៀតទេ។ ៤ ចំណុចនោះរួមមាន៖

រូបតំណាង

**១. គេមានរឿងលាក់លៀមនឹងអ្នកច្រើន**

រូបតំណាង

មានសិទ្ធិជាសង្សារនឹងគ្នា តែអ្នកហាក់បីមានអារម្មណ៍ថាគេដូចជាអ្នកដទៃនោះ អ្នកអាចនឹងសង្កេតមើលរឿងមួយចំនួនដូចជាគេមិនសូវនិយាយស្តីជាមួយអ្នកច្រើន ពេលអ្នកសួរអ្វីមួយ គេបែរជាមិនឆ្លើយ។ និយាយរួមគេមានរឿងជាច្រើនពុំអាចប្រាប់អ្នកបាន។

២. មិនមានពេលទំនេរសម្រាប់អ្នកដូចពីមុន

ជាសង្សារនឹងគ្នា អ្នកតែងចំណាយពេលវេលាសម្រាប់គ្នាទៅវិញទៅមក។ មិនថារវល់ធ្វើការ សិក្សាប៉ុនណាទេ កាលពីមុនគេធ្លាប់ឆ្លៀតពេលនិងរកពេលវេលាសម្រាប់អ្នកដែលគេស្រឡាញ់ តែនៅពេលនេះបើសិនជាគេប្រែហាក់មិនខ្វល់ជាមួយអ្នកនោះ មានន័យថាគេចាប់ផ្តើមមានចិត្តរេរានឹងអ្នកហើយ។

៣. គេបង្ហាញឲ្យដឹងថា អ្នកជាមនុស្សគួរឲ្យធុញខ្លាំង

រូបតំណាង

ធម្មតាទេ មនុស្សពីរនាក់ស្រឡាញ់គ្នា ទោះជាមានកំហុសអីបន្តិចបន្តួចគេតែងលើកលែងទោសនិងមិនប្រកាន់ពាក្យសម្តីគ្នាឡើយ។ អ្នកអាចសង្កេតបានថា នៅពេលគេនៅក្បែរអ្នក គេហាក់បីដូចជាមិនរីករាយ ធុញទ្រាន់ មិនសប្បាយចិត្តនឹងអ្នកបន្តិចសោះ។ សញ្ញាទាំងនេះអាចបង្ហាញឲ្យអ្នកដឹងថា គេដូចជាចង់លែងដៃនឹងអ្នកបណ្តើរៗហើយ។

៤. និយាយទូរស័ព្ទស្ងាត់ៗមិនឲ្យអ្នកដឹង

នៅពេលគេជក់លេងទូរស័ព្ទខ្លាំងដូចជាលេងហ្គេមនោះមិនអីទេ តែបើគេជក់និយាយទូរស័ព្ទ chat ដោយមិនខ្វាយខ្វល់ពីសម្តីអ្នកសូម្បីតែបន្តិចនោះ អ្នកគួរតែសង្កេតឲ្យបានច្បាស់។ ពេលខ្លះប្រសិនបើគេនិយាយទូរស័ព្ទស្ងាត់ៗចំពោះរឿងការងារនោះមិនមានអ្វីគួរឲ្យសង្ស័យឡើយ តែបើគេហាក់បីលាក់លៀមចំពោះអ្នកនោះ អ្នកអាចតាមដានបានតាមចំណុចនេះបាន៕

រូបភាព៖

ចុចអានបន្ត៖

សញ្ញា ៥ នេះបញ្ជាក់ថា ស្រីៗចំណាយពេលមានតម្លៃលើប្រុសគ្មានប្រយោជន៍ហើយ

ប្រភព៖ Spiceee ប្រែសម្រួល៖ សុវណ្ណ ស្រីពីន