៣ យ៉ាងដែលអ្នកគួរដឹង បើមានដៃគូជាមនុស្សប្រុសវ័យចំណាស់

2017-10-26 05:19:00
ចំនួនមតិ 0 | ចំនួនចែករំលែក 0

ជ្រើសរើសដៃគូដែលមានវ័យចំណាស់ នារីភាគច្រើនរំពឹងថានឹងទទួលបានភាពកក់ក្តៅពីស្នេហាមួយដែលអាចទុកចិត្តបានយូរអង្វែង ហើយវាក៏បានបង្ហាញដែរថា ពួកគេពេញចិត្តជាមួយការរស់នៅតាមរបៀបជាមនុស្សចាស់ទុំ។ ៣ ចំនុចខាងក្រោមនេះ ជាអ្វីដែលគួរដឹងប្រសិនបើអ្នកពេញចិត្តដៃគូដែលមានវ័យចំណាស់៖

១. បង្ហាញភាពជឿជាក់របស់ខ្លួន៖ មនុស្សប្រុសវ័យចំណាស់តែងតែពេញចិត្តនារីក្មេងៗណាដែលមានភាពជឿជាក់ ព្រោះពួកគេយល់ថាអត្តចរិតបែបនោះពិតជាផ្តល់នូវកម្លាំងចិត្ត ព្រមទាំងថាមពលវិជ្ជមានជាច្រើនសម្រាប់ពួកគេ។ មិត្តនារីត្រូវតែបង្អួតភាពជឿជាក់របស់ខ្លួនទៅកាន់ដៃគូឱ្យបានដឹង តាមរយៈចំណេះដឹង ជំនាញ ភាពវៃឆ្លាត ព្រមទាំងការកំណត់គោលដៅផ្សេងៗក្នុងជីវិត។

រូបតំណាង

**២. ថែរក្សាសម្រស់៖** សម្រស់របស់អ្នកគឺជារឿងសំខាន់ ដែលធ្វើឱ្យភាគីបុរសកាន់តែជាប់ចិត្ត។ វាប្រហែលជាពិបាកបន្តិចព្រោះអ្នកមិនអាចធ្វើជាខ្លួនឯងបានគ្រប់ពេលទេ មានន័យថាពេលទៅណាម្តងៗក៏ត្រូវស្លៀកសំលៀកបំពាក់ឱ្យបានសមរម្យ និងមានក្រែមម្សៅតិចតួចជាប់ជានិច្ចដែរ។ ក្រៅពីការតុបតែងខ្លួន អ្នកក៏ត្រូវចេះវិធីថែទាំស្បែកឱ្យមើលទៅភ្លឺស្រស់ថ្លា និងការថែរក្សាសម្ផស្សទាំងដងខ្លួនទៀតផង។

៣. កុំមានអារម្មណ៍ភិតភ័យឬតានតឹង៖ បើអ្នកជ្រើសរើសនូវអ្វីដែលខ្លួនពេញចិត្តហើយ ចូរកុំមានការភិតភ័យត្រូវធ្វើវាដោយជឿជាក់និងច្បាស់លាស់។ អ្វីដែលសំខាន់ត្រូវគិតវិជ្ជមានផ្តល់កម្លាំងចិត្តឱ្យខ្លួនឯងឱ្យបានច្រើន៕

ចុចអាន៖នារីប្រភេទណា ដែលមហាសេដ្ឋីប្រាថ្នាចង់បានជាភរិយា?

ប្រភព៖ Likelovequotes ប្រែសម្រួល៖ អ៊ុង រ័ត្នបញ្ញា