ការតែងខ្លួនទៅធ្វើការ ៥ បែបដែលស្រីៗគួរជៀសវាងទោះក្រុមហ៊ុនមិនកំណត់ក៏ដោយ
- 2017-09-18 04:31:44
- ចំនួនមតិ 0 | ចំនួនចែករំលែក 0
ការតែងខ្លួនទៅធ្វើការ ៥ បែបដែលស្រីៗគួរជៀសវាងទោះក្រុមហ៊ុនមិនកំណត់ក៏ដោយ
សម្រាប់កន្លែងធ្វើការខ្លះដែលមិនកំណត់ឯកសណ្ឋាន បុគ្គលិកមានសេរីភាពច្រើនក្នុងការប្រើសំលៀកបំពាក់ផ្សេងៗដែលខ្លួនពេញចិត្ត។ ទោះបែបនេះក្ដី អ្នកក៏មិនអាចចេះតែស្លៀកអ្វីស្រេចចិត្តនោះទេព្រោះស្រួលមិនស្រួលអ្នកអាចធ្លាក់ខ្លួនជាមនុស្សមិនល្អក្នុងក្រសែភ្នែកអ្នករួមការងារ៖
១. ប្រើទឹកអប់ច្រើនជ្រុល
រឿងក្លិនជារឿងសំខាន់បំផុតដើម្បីក្លាយខ្លួនជាមនុស្សទាក់ទាញម្នាក់ ដូចនេះការប្រើទឹកអប់ជារឿងចាំបាច់។ ប៉ុន្តែអ្នកត្រូវប្រើឲ្យមានត្រឹមក្លិនប្រហើរតិចៗបានហើយ ជៀសវាងត្រូវគេបង្អាប់ថាងូតទឹកអប់មកធ្វើការ។
២. ស្បែកជើងផ្ទាត់
ទោះគេមិនកំណត់ឯកសណ្ឋានក៏អ្នកត្រូវតែជៀសវាងវាដាច់ខាតព្រោះអ្នកមិនមែនកំពុងដើរលេងនៅសមុទ្រទេ។ ស្បែកជើងផ្ទាត់ធ្វើឲ្យអ្នកមើលមិនគួរឲ្យទុកចិត្តអាចប្រគល់ការងារឲ្យទ្បើយ។
៣. ខោអាវបែបរលុងៗ
ព្រោះវាមើលទៅដូចជាអ្នកកំពុងនៅផ្ទះជាជាងមកធ្វើការ។
៤. ខោអាវតឹងជ្រុល ឬ បញ្ចេញជ្រុល
វានឹងធ្វើឲ្យអ្នករួមការងារវាយតម្លៃមិនល្អចំពោះអ្នកមិនខាន។ សាកស្រមៃមើលថាបើអ្នកមកអង្គុយធ្វើការក្នុងឈុតបែបនេះតើនឹងមានភ្នែកមិនល្អប៉ុន្មានគូសម្លឹងមក?
៥. អាវយឺតខោខ្លី
នេះជាខោអាវសម្រាប់ដើរលេងប៉ុណ្ណោះ។
ការវាយតម្លៃរបស់អ្នករួមការងារមកលើរូបអ្នកជារឿងសំខាន់ដែលអាចប៉ះដល់ការងារបាន។ ដូចនេះរឿងស្លៀកពាក់ត្រូវតែប្រយ័ត្នប្រយែងបន្តិច៕
ចុចអាន៖ កាន់តែរឹងមាំ និង ឆ្លាតវៃ បើសិនអ្នកចេះចំណាយពេលនៅម្នាក់ឯងដោយស្ងប់ស្ងាត់!
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
