ស្រីៗចេះផាត់មុខមែន តែក៏មិនប្រាកដថាចេះប្រើប៉ុងផាត់មុខដែរ!
- 2017-07-28 10:00:00
- ចំនួនមតិ 0 | ចំនួនចែករំលែក 0
ស្រីៗចេះផាត់មុខមែន តែក៏មិនប្រាកដថាចេះប្រើប៉ុងផាត់មុខដែរ!
ទម្លាប់មនុស្សស្រីភាគច្រើននាពេលបច្ចុប្បន្ន តែងតែពេញនិយមជាមួយការផាត់មុខរាល់ពេលចេញទៅខាងក្រៅ។ ប៉ុន្តែបើទោះបីពួកគេចេះវិធីផាត់មុខបានស្ទាត់ជំនាញយ៉ាងណាក្តី ក៏ប្រហែលជាអាចនឹងមានកំហុសជាមួយការប្រើប្រាស់សម្ភារៈផាត់មុខផ្សេងៗដោយមិនដឹងខ្លួន។ ថ្ងៃនេះ កញ្ញា សូមលើកយកនូវកំហុសនៃការប្រើប្រាស់ប៉ុងផាត់ដែលស្រីៗមិនធ្លាប់បានដឹងទាំង ៤ យ៉ាងខាងក្រោមនេះ៖
១. មិនជ្រលក់ទឹកមុនពេលផាត់៖ គួរជ្រលក់ទឹកឱ្យប៉ុងសើមជាមុនសិនសឹមយកតប់លើមុខ ព្រោះវាធ្វើឱ្យសាច់ម្សៅងាយជ្រាបចូលស្បែកមុខ។
២. មិនបានសម្អាតវាត្រឹមត្រូវ៖ កំណកគ្រឿងសម្អាង ឬជាតិម្សៅដែលនៅជាប់នឹងប៉ុងអាចបង្កទៅជាបាក់តេរី នេះហើយដែលជាមូលហេតុធ្វើឱ្យស្បែករបស់អ្នកអាឡែស៊ី។ គួរលាងសម្អាតវាចេញជាមួយសាប៊ូដុសខ្លួនកូនក្មេង បន្ទាប់ពីប្រើប្រាស់រួច។
៣. ហាមយកប៉ុងជ្រលក់ជាមួយគ្រឿងសម្អាង៖ អ្នកគួរយកម្សៅផាត់លើមុខសិនសឹមយកប៉ុងមកតប់ពីលើ មិនមែនយកប៉ុងទៅជ្រលក់ម្សៅហើយយកមកផាត់លើមុខទេ។
៤. ចេះផ្លាស់ប្តូរ៖ ទោះបីជាអ្នកបានសម្អាតវាញឹកញាប់ក៏ដោយ ប៉ុន្តែមិនត្រូវប្រើប្រាស់វារហូតទេ៕