រដូវភ្លៀងអ៊ីចឹង ស្រីៗគួរចេះវិធីថែរក្សាសម្រស់ទាំង ៥ នេះ

2017-07-21 10:30:00
ចំនួនមតិ 0 | ចំនួនចែករំលែក 0

នៅរដូវនេះ មនុស្សស្រីគ្មាននរណាជៀសមិនទទឹកកើតទេ ហើយវាពិតជាពិបាកក្នុងការថែរក្សាសម្រស់ឲ្យនៅតែស្អាតណាស់។ ដូចនេះ កញ្ញា សូមណែនាំពីរបៀបថែរក្សាស្បែកឲ្យស្រស់ស្អាតពេញមួយថ្ងៃ៖

១.ជាជំហានដំបូងត្រូវមានអាវភ្លៀង ឬឆត្រដើម្បីការពារខ្លួនពីការទទឹក និងការពារស្បែកមិនឲ្យជ្រីវជ្រួញថែមទៀតផង។ ម្យ៉ាងទៀតវាក៏អាចជួយទប់ស្កាត់មិនឲ្យកើតជំងឺផ្ដាសាយ ព្រោះពេលមានជំងឺ សម្រស់ក៏អន់ថយទៅតាមនោះដែរ។

២.ឡេថែរក្សាស្បែក គួរតែលាបជាប្រចាំ ដើម្បីកុំឲ្យស្បែកស្ងួត។ អ្នកខ្លះគិតថាការគ្រាន់តែស្បែកត្រូវទឹកនឹងអាចផ្ដល់សំណើម តែនោះគឺជាការគិតខុសហើយ ព្រោះទឹកភ្លៀងសម្បូរដោយមេរោគ និងជាតិគីមីច្រើនប្រភេទណាស់។

៣.កុំផាត់មុខដោយម្សៅក្រាស់ពេកអី ព្រោះបើត្រូវទឹកភ្លៀងវាទឹកប្រតាកពេញមុខទៅវិញទេ។ ដូចនេះគួរតែលាបស្ដើងៗ តែតបវាឲ្យចូលសព្វផ្ទៃមុខ បែបនេះទោះត្រូវទឹកក៏វាមិនអីដែរ។

៤.សម្រាប់សក់វិញ យើងមិនគួរទម្លាក់ឡើយ តែអាចច្នៃចង់ឡើងលើទៅទើបវាល្អជាង។ ពេលយើងទម្លាក់សក់ត្រង់ចុះក្រោម ហើយត្រូវភ្លៀងនោះសក់នឹងក្រាកជាប់ស្បែកមុខទាំងអស់ តែបើយើងមួង ឬមូលរួញរួចចង់ឡើងលើ ទោះជាទទឹកក៏មិនសូវប្រែប្រួលដែរ។

៥.នៅរដូវនេះ យើងមិនគួរលាបម៉ាស្ការ៉ាទេ ព្រោះពេលត្រូវទឹកភ្លៀងវាអាចប្រតាកពេញមុខ និងភ្នែកបាន។ តែស្រីៗអាចបន្ថែមសម្រស់ដោយប្រើ eyeliner វិញ ព្រោះវាក៏អាចជួយលើកសម្រស់ភ្នែក ជាពិសេសពេលត្រូវទឹកវាមិនរលុប ឬប្រតាក៕

ចុចអាន៖ហេតុផល ដែលស្រីៗមិនគួរផាត់មុខក្រាស់ៗពេក ពេលទៅធ្វើការ

អត្ថបទ៖ ទ្រី រ៉ាវី