បែកធ្លាយ Song Hye Kyo និង Song Joong Ki ទៅផ្អែមល្ហែមនៅកោះបាលីជាមួយគ្នា
- 2017-06-17 12:00:50
- ចំនួនមតិ 0 | ចំនួនចែករំលែក 0
បែកធ្លាយ Song Hye Kyo និង Song Joong Ki ទៅផ្អែមល្ហែមនៅកោះបាលីជាមួយគ្នា
មុននេះបន្តិច បណ្ដាញព័ត៌មានកូរ៉េបានរាយការណ៍ថា កាលពីថ្ងៃទី៤ខែមិថុនាមុននេះ តារាសម្ដែងជើងចាស់ Song Hye Kyo បានធ្វើដំណើរតៅកោះបាលី។ គេមិនបានដឹងច្បាស់នោះឡើយថា នាងមកទីនេះដើម្បីបំពេញកិច្ចការអ្វី។ មិនយូរប៉ុន្មានក្រោយមក នៅថ្ងៃទី៧ខែមិថុនានេះដែរ ប្រុសស្អាត Song Joong Ki ក៏ចេញដំណើរមកកោះនេះដែរ។ បើទោះបីជាមិនចេញដំណើរក្នុងពេលតែ១ក៏ដោយ តែគេសង្ស័យថាតួរឿង "ម្ចាស់ព្រះអាទិត្យ" ទាំង២ពិតជាបានណាត់គ្នាដោយស្ងាត់ៗនៅទីនេះ។
ប្រភពខាងក្នុងមួយបានទម្លាយថា ស្រីស្រស់ប្រុសស្អាតមួយគូនេះបានជួលភូមិគ្រឹះមួយនៅ Nusadua នៅលើកោះបាលីដើម្បីសម្រាកលំហែកាយ។ ដល់ថ្ងៃទី១៣កន្លងទៅនេះ ប្រុសស្អាតវ័យ ៣១ឆ្នាំបានត្រលប់មកកូរ៉េវិញ។ មិនយូរប៉ុន្មានក្រោយមក នៅថ្ងៃទី១៥ តួឯករឿង "Full House” ក៏មកដល់ប្រទេសកំណើតវិញដែរ។ ទង្វើនេះត្រូវគេសង្ស័យថា តារាល្បីឈ្មោះទាំងពីរពិតជាបានទៅដើរលេងជាមួយគ្នាពិតមែន៕