នៅតាមប្រទេសផ្សេងៗគ្នា តើគេប្រារព្ធបុណ្យម្ដាយដូចម្ដេចខ្លះ?
- 2017-05-12 04:37:10
- ចំនួនមតិ 0 | ចំនួនចែករំលែក 0
នៅតាមប្រទេសផ្សេងៗគ្នា តើគេប្រារព្ធបុណ្យម្ដាយដូចម្ដេចខ្លះ?
បុណ្យម្ដាយគឺជាពិធីដ៏ពិសេសមួយដើម្បីរំឭកគុណដល់អ្នកម្ដាយគ្រប់រូប។ មកទល់បច្ចុប្បន្ន ពិធីនេះត្រូវបានប្រារព្ធឡើងនៅតាមប្រទេសជាច្រើននៅជុំវិញពិភពលោក។ ចង់ដឹងទេថាប្រជាជនប្រទេសទាំងនោះគេធ្វើអ្វីខ្លះ?
១. ជប៉ុន៖ ប្រជាជនប្រទេសនេះតែងជូនកាដូ និងបាច់ផ្កាសម្រាប់អ្នកម្ដាយគេ ហើយបើតាមការស្ទង់មតិ មានយុវជនដល់ទៅ ៨៧% ឯណោះដែលត្រៀមជូនអំណោយនៅថ្ងៃនោះ។
**២. ប្រទេសចិន៖** បុណ្យម្ដាយជាពិធីមួយថ្មីក្នុងប្រទេសនេះ តែវាក៏ទទួលការគាំទ្រច្រើនដែរ។ កូនៗតែងទិញកាដូពិសេសសម្រាប់ម្ដាយគេនៅថ្ងៃនោះ។
៣. ប្រទេសបារាំង៖ ប្រជាជនប្រទេសនេះតែងឲ្យអំណោយជាកាតជូនពរ បាច់ផ្កាស្អាតៗ និងការរៀបចំញ៉ាំអាហារពេលល្ងាចជួបជុំគ្នា។
៤. ប្រទេសថៃ៖ បុណ្យម្ដាយនៅប្រទេសថៃត្រូវបានធ្វើឡើងនៅថ្ងៃទី ១២ សីហាដើម្បីឲ្យចំជាមួយថ្ងៃខួបរបស់ម្ចាស់ក្សត្រី Sirikit។ ពិធីហែក្បួន និងការតុបតែងបាច់ផ្កាជាច្រើននឹងត្រូវធ្វើឡើង។
៥. ប្រទេសម៉ិកស៊ីកូ៖ ប្រជាជនប្រទេសនេះតែងអនុវត្តបុណ្យម្ដាយខ្ជាប់ខ្ជួនណាស់។ ថ្ងៃបុណ្យម្ដាយគឺជាថ្ងៃដែលភោជនីយដ្ឋានក្នុងប្រទេសនេះរវល់បំផុត។ ចម្រៀង អាហារ ការលេងភ្លេង និងកម្មវិធីសប្បាយៗជាច្រើននឹងត្រូវប្រារព្ធឡើង។ ពួកគេក៏មិនភ្លេចបាច់ផ្កាស្អាតៗផងដែរ។
៦. ប្រទេសឥណ្ឌា៖ កូនៗតែងងូតទឹកលាយជាមួយផ្កាឲ្យម្ដាយរបស់គេ ហើយថែមទាំងជូនកាដូ និងកាតជូនពរទៀតផង។
៧. ចក្រភពអង់គ្លេស៖ ថ្ងៃបុណ្យម្ដាយគឺជាថ្ងៃសំខាន់សម្រាប់គ្រួសារក្នុងការជួបជុំគ្នា និងចំណាយពេលរីករាយជាមួយគ្នាឲ្យបានច្រើន៕