ព្រះអង្គម្ចាស់រូបសង្ហារបស់ ប្រ៊ុយណេ ថាអនាគតមហេសីទ្រង់គឺជានារីដ៏សាមញ្ញម្នាក់
- 2017-03-15 05:11:10
- ចំនួនមតិ 0 | ចំនួនចែករំលែក 0
ព្រះអង្គម្ចាស់រូបសង្ហារបស់ ប្រ៊ុយណេ ថាអនាគតមហេសីទ្រង់គឺជានារីដ៏សាមញ្ញម្នាក់
ដំណឹងល្អសម្រាប់នារីៗពេលនេះ គឺព្រះអង្គម្ចាស់រូបសង្ហា Abdul Mateen ដែលធ្លាប់បានអង្រួនបេះដូងក្រមុំស្ទើរគ្រប់គ្នា បានប្រកាសស្វែងរកមហេសីហើយ។
តាមសារព័ត៌មាន malaysiandigest បានចុះផ្សាយនៅថ្ងៃនេះថាព្រះរាជបុត្រនៃរាជវង្សប្រ៊ុយណេរូបនេះបានប្រកាសស្វែងរកនារីសាមញ្ញម្នាក់មកធ្វើជាអគ្គមហេសី។ កាលពីឆ្នាំ ២០១៤ បន្ទាប់ពីរូបភាពរបស់ទ្រង់ត្រូវបានប្រព័ន្ធផ្សព្វផ្សាយ ជាច្រើនចាប់អារម្មណ៍លើរូបរាង និងមុខដ៏សង្ហាបែបបុរសពិតៗ។ មិនត្រឹមតែប៉ុណ្ណោះ Mateen បានជាប់ងារជា «រាជបុត្រមូស្លីមដែលមានមន្តស្នេហ៍បំផុត» ហើយបច្ចុប្បន្នមានអ្នក follow តាម Instagramដល់ជាង ៣៧៥ ០០០ នាក់ ដែលភាគច្រើនជាស្រីៗ។
ក្នុងចំណោមសកម្មភាពកីឡាបុរសវ័យ ២៥ ឆ្នាំរូបនេះចេះលេងបាល់ទាត់, ជិះស្គី, ប្រដាល់, និងហែលទឹក ចំណែកសត្វដែលស្រលាញ់ គឺឆ្មារ និងកូនខ្លា។ កូនប្រុសទីបួននៃស្ដេចស៊ុលតង់ Haji Hassanal Bolkiah Mu'izzaddin Waddaulah រូបនេះបានទទួលឋានៈយោធាលើកដំបូងក្នុងឆ្នាំ ២០១១ ក្រោយបញ្ចប់ការសិក្សាពីបណ្ឌិតសភាយោធា Sandhurst ដែលទ្រង់បានយាងចូលកាលពីអាយុ ១៨ ឆ្នាំ ដែលជាបេក្ខជនក្មេងជាងគេ។
បើទោះមានប្រវត្តិដ៏អស្ចារ្យបែបនេះក៏ដោយ តែទ្រង់បាននិយាយថា លោកជាមនុស្សធម្មតាម្នាក់តែប៉ុណ្ណោះ ដូចនេះហើយចង់បានត្រឹមនារីធម្មតាម្នាក់មកធ្វើជាមហេសី។ "ពេលទំនេរខ្ញុំចូលចិត្តចំណាយពេលជាមួយមិត្តភ័ក្ដិជិតស្និទ្ធ ឬមើលភាពយន្តជាដើម។ ចំណែកសម្រាប់រឿងគូស្រករនាថ្ងៃអនាគត ដែលជាព្រះនាងរបស់ខ្ញុំនោះ ត្រឹមនារីដ៏សាមញ្ញម្នាក់ដែលខ្ញុំស្រលាញ់ទៅបានហើយ"៕