យ៉ាងម៉េចក៏ដោយ សូមកុំស្រលាញ់មនុស្សម្នាក់ ដើម្បីបំភ្លេចមនុស្សម្នាក់ឲ្យសោះ
- 2020-01-13 02:20:00
- ចំនួនមតិ 0 | ចំនួនចែករំលែក 0
យ៉ាងម៉េចក៏ដោយ សូមកុំស្រលាញ់មនុស្សម្នាក់ ដើម្បីបំភ្លេចមនុស្សម្នាក់ឲ្យសោះ
សូម្បីតែគិត ក៏កុំឲ្យសោះនូវការស្រលាញ់មនុស្សថ្មី នៅពេលចិត្តរបស់ខ្លួនមិនទាន់ស្ងប់ បេះដូងមិនទាន់ជាសះស្បើយ។ សូមកុំឲ្យសោះ នូវទង្វើស្រលាញ់មនុស្សម្នាក់ដើម្បីភ្លេចមនុស្សម្នាក់ ព្រោះធ្វើបែបនេះមិនត្រឹមតែអាក្រក់ដាក់ខ្លួនឯងទេ ថែមទាំងធ្វើបាបចិត្តគេទៀត។
មនុស្សយើងគ្រប់រូបកើតមកលើលោកនេះសុទ្ធតែជាបុគ្គលឯកាទាំងអស់ ដោយសារតែចង់បំបាត់ភាពឯកានេះ ក៏ស្វែងរកដៃគូជីវិតមិនឈប់ឈរ។ ប៉ុន្តែយើងបែរជាកើតទុក្ខលើសដើមនៅពេលជួបមនុស្សមិនស័ក្ដិសម ឬខុសមនុស្ស។ មនុស្សមិនស័ក្ដិសមគឺជាបុគ្គលដែលមិនស្គាល់នូវតម្លៃពិតប្រាកដរបស់យើង មិនដែលដោយសារយើង អាចធ្វើការលះបង់អ្វីមួយ។ រីឯខុសមនុស្ស គឺជាមនុស្សដែលស័ក្ដិសមនឹងយើង ប៉ុន្តែព្រហ្មលិខិតបានកំណត់រួចហើយថា យើងទាំង២មិនអាចដើរដល់ចប់ផ្លូវមួយបាន។
នៅពេលប្រទះរឿងបែបនេះ វិធីដែលល្អបំផុតនោះគឺ ទុកឲ្យពេលវេលាព្យាបាលបេះដូងដោយខ្លួនឯង។ តែចង់ឲ្យបេះដូងជាសះស្បើយត្រូវការពេលវេលា ឯចង់បំភ្លេចគ្នាត្រូវឆ្លងកាត់ការនឹកដែលមិនអាចកាត់ថ្លៃបាន។ ហេតុនេះហើយ វានឹងជាកំហុសមួយប្រសិនបើអ្នក ដោយគ្រាន់តែចង់បំភ្លេចនរណាម្នាក់ បែរយកម្នាក់ទៀតមកជំនួស ទាំងស្រមោលអ្នកចាស់មិនទាន់រលុបនៅឡើយ។ ព្រោះអ្នកថ្មីគ្មានកំហុសអ្វីទាំងអស់ គេគ្រាន់តែស្រលាញ់យើងពិត បែរជាក្លាយជាជនរងគ្រោះ ព្រោះតែយើងមិនទាន់ភ្លេចអ្នកចាស់នៅឡើយ។
មនុស្សមួយចំនួន ព្យាយាមអង្វរអតីតកាល បង្ខិតបង្ខំអនាគតដោយសារតែខ្លាចភាពឈឺចាប់ តែមានការថែរក្សា ការស្រលាញ់ ការឈឺចាប់ ទើបហៅថាយុវភាព។ សូមកុំគិតថាជីវិតនឹងជាក្រដាសសជារៀងរហូត ដោយសូមឲ្យទុកឲ្យគេដើរកាត់ក្រដាសសនោះ ហើយបន្សល់ទុកអនុស្សាវរីយ៍ឲ្យអ្នកវិញ។
ក្រោយភ្លៀង មេឃស្រឡះ ស្នេហាបែកបាក់មួយ ក៏នឹងជាសះស្បើយ គ្រាន់តែប្រើពេលយូរ និងឆាប់។ អ្វីដែលគួរធ្វើនោះគឺ ទុកឲ្យវាជាដោយខ្លួនឯង កុំយកគេដែលមានចិត្តស្មោះ មកធ្វើត្រឹមអ្នកជំនួសយើងឲ្យសោះ៕
អានបន្ត៖ មនុស្សស្រីអើយ ការបែកគ្នាមិនគួរឲ្យខ្លាចដូចអ្នកគិតឡើយ ត្រូវក្លាហានឡើង