មានបញ្ហាសក់ខូចខ្លាំងទទួលទាន ផ្លែឈើ ៥ មុខនេះធានាស្អាតដូចចិត្ត

2019-12-18 05:05:00
ចំនួនមតិ 0 | ចំនួនចែករំលែក 0

សម្រាប់មនុស្សស្រី តើនរណាដែលមិនស្រឡាញ់សក់របស់ខ្លួននោះ? ការធ្វើសក់ដោយកៀបត្រង់ មូលសក់ ផ្លុំសក់ ឬប្តូរពណ៌សក់សុទ្ធតែមានឥទ្ធិពលមកដល់សរសៃសក់របស់អ្នក។ ទោះបីជាយ៉ាងណាក៏ដោយ អ្នកក៏អាចបន្តការលេងម៉ូដសក់តាមចិត្តរបស់អ្នកបានដែរ ដោយមិនបារម្ភពីសក់ខូចតាមរយៈការញុំាផ្លែឈើទាំង ៥ មុខនេះរួមមាន៖

រូបតំណាង

**១. ផ្លែល្ហុង**

ល្ហុងសំបូរទៅដោយវីតាមីន C ដូច្នេះវាមានជួយចិញ្ចឹមសក់របស់អ្នកបានយ៉ាងល្អ។ លើសពីនេះ វាក៏មានផ្ទុកសារធាតុប៉ូតាស្យូមដែលមាននាទីក្នុងការប្រឆាំងនឹងការជ្រុះសក់បានទៀតផង។ ក្រៅពីនេះ ទទួលទានវាមានជាតិខូឡាជេនសម្រាប់ជួយធ្វើឲ្យគល់សក់រឹងមាំជាងមុន។

រូបតំណាង

២. ផ្លែម្នាស់

នៅក្នុងផ្លែម្នាស់សំបូរទៅដោយវីតាមីន B6 វីតាមីន C ម៉ង់កាណែស និង flavanoids, phenolic អាស៊ីតដែលវាមានមុខងារដុះវែងនិងរឹងមាំការពារពីការបំផ្លាញនៅផ្នែកខាងក្រៅ។

រូបតំណាង

៣. ផ្លែប៉ោម

ផ្លែប៉ោមមួយផ្លែជួយចិញ្ចឹមទៅដល់សរសៃសក់ ការពារពីការបំផ្លាញ ដោយសារតែវាផ្ទុកវីតាមីន A B និង C ដែលជាធាតុសំខាន់ក្នុងការចិញ្ចឹមដល់សុខភាពស្បែកក្បាល។ វានឹងធ្វើឲ្យសក់មិនជំពាក់ ទន់រលោង ពិសេសការពារនៃការកកើតអង្កែបានទៀតផង។

រូបតំណាង

៤. ផ្លែគីវី

នៅក្នុងផ្លែគីវីគឺសំបូរទៅដោយវីតាមីន A E និង K ក៏ដូចជាសារធាតុប្រឆាំងអុកស៊ីកម្មជាច្រើនផ្សេងទៀត។ បន្ថែមពីនេះ វាជាផ្លែឈើមួយប្រភេទសំបូរទៅដោយវីតាមីន C ជួយបង្កើតឲ្យមានខូឡាជេន អូមេហ្គា ៣ និង fatty acids ធ្វើឲ្យស្បែកក្បាលមានសុខភាពល្អ។

រូបតំណាង

៥. ផ្លែ Peach

ចំណែកផ្លែឈើមួយប្រភេទនេះវិញក៏ជាជម្រើសល្អក្នុងការថែរក្សាសក់ដែរ ព្រោះវាជួយធ្វើឲ្យស្បែកក្បាលមានសំណើមនិងមិនស្ងួត។ មិនត្រឹមតែប៉ុណ្ណោះ វាក៏មានវីតាមីន A និង C ដែលវានឹងជួយអ្នកឲ្យមានឬសសក់រឹងមាំ មានសំណើម មិនងាយជ្រុះងាយៗ ពិសេសផ្ទុកសារធាតុ បាយអូទីន ជួយសក់ឲ្យដុះលឿនបានទៀតផង។