ជីវិតក្រោយរៀបការ តើមានក្តីសុខប៉ុនណា?

2019-12-05 03:35:00
ចំនួនមតិ 0 | ចំនួនចែករំលែក 0

មនុស្សប្រុសស្រីកើតមកនៅលើលោកនេះមិនអាចចៀសបានពីរឿងរៀបការ ព្រោះវាជារឿងធម្មជាតិរបស់មនុស្សលោក។ ការរៀបការរវាងគូរស្វាមីភរិយាវាមិនមែនជាការចាប់ផ្តើមនៃជីវិតអាពាហ៍ពិពាហ៍តែប៉ុណ្ណោះទេ។ មានគូរស្វាមីភរិយាមួយចំនួនរៀបការហើយទទួលបានសុភមង្គលហើយក៏មានមួយចំនួនទៀតមានការរកាំរកូសនៅក្នុងគ្រួសារដែរ។ ទោះជាយ៉ាងណាក៏ដោយ បន្ទាប់ពីរៀបការប្រសិនបើប្តីប្រពន្ធទាំងពីរចេះថែរក្សាចំណងស្នេហ៍ឲ្យបានគង់វង្សនោះពួកគេនឹងទទួលបានលទ្ធផល ៤ រួមមាន៖

រូបតំណាង

**១. យកចិត្តទុកដាក់ចំពោះគ្នាទៅវិញទៅមក**

ការយកចិត្តទុកដាក់ចំពោះគ្នាទៅវិញទៅមកជារឿងដ៏សំខាន់បន្ទាប់ពីរៀបការរួច ពីព្រោះថានៅពេលអ្នកចេះខ្វាយខ្វល់ពីគ្នាមានន័យថាអ្នកយកចិត្តទុកដាក់និងថែរក្សាគ្នាទៅវិញទៅមកដោយចាត់ទុកគ្នាជាមនុស្សសំខាន់និងមិននិយាយបានតែមាត់។

២. លើកទឹកចិត្តក្នុងការពិភាក្សា

ក្រោយពីរៀបការរួច ការពិភាក្សាពិតជាសំខាន់សម្រាប់អ្នកទាំងពីរមានរឿងជាច្រើនជួបប្រទះ។ ដូច្នេះនៅពេលអ្នកទាំងពីរជួបបញ្ហាណាមួយ អាចផ្តោះប្តូរគំនិតគ្នាទៅវិញទៅមកនិងស្វែងរកដំណោះស្រាយផ្សេងៗចំពោះបញ្ហាដែលខ្លួនកំពុងប្រឈមមុខ។

រូបតំណាង

៣. ទទួលយកកង្វះខាតនិងចំណុចកែលម្អចំពោះគ្នា

ជាទូទៅ គូរស្វាមីភរិយាអាចនឹងបញ្ចប់ទំនាក់ទំនងរវាងគ្នាបានដោយការមិនចុះសម្រុងគ្នាមិនចេះទទួលយកចំណុចខ្វះខាតនិងមិនចេះកែតម្រូវឲ្យគ្នាទៅវិញទៅមក។ ហេតុដូចនេះ មានគូរស្វាមីភរិយាមិិនតិចឡើយបានផ្តាច់ចំណងអាពាហ៍ពិពាហ៍ភ្លាមៗក្រោយពេលរៀបការរួច។ ហេតុផលនេះហើយ ទើបគូរស្នេហ៍ទាំងពីរគួរចេះទទួលយកចំណុចខ្វះខាតនិងរកអ្វីមកបំពេញចន្លោះឲ្យគ្នាទៅវិញទៅមកទើបជាការប្រសើរ។

៤. តែងតែបង្កើតភាពផ្អែមល្ហែមនៅក្នុងជីវិត

ពិតប្រាកដណាស់ ជីវិតបន្ទាប់ពីរៀបការរួចប្រាកដជាមានភាពផ្អែមល្ហែមចំពោះទំនាក់ទំនងរបស់អ្នកដោយចេះផ្តល់ពេលវេលាសម្រាប់មនុស្សជាទីស្រឡាញ់របស់ខ្លួន។ ឧទាហរណ៍ ទៅលំហែកាយនៅថ្ងៃឈប់សម្រាក ញុំាអាហារឆ្ងាញ់ៗ ជិះកង់ហាត់ប្រាណ ដាំដើមឈើអីជាដើម។