សម្លៀកបំពាក់៥ប្រភេទ មិនគួរស្លៀកទៅធ្វើការឡើយ បើមិនចង់ឲ្យគេវាយតម្លៃ

2019-08-26 03:00:00
ចំនួនមតិ 0 | ចំនួនចែករំលែក 0

សូមចងចាំជម្រើសសម្លៀកបំពាក់នេះ កុំប្រើប្រាស់នៅកន្លែងធ្វើការឲ្យសោះ ដើម្បីកុំឲ្យគេវាយតម្លៃយើងមិនល្អ។

ការជ្រើសរើសសម្លៀកបំពាក់ទៅធ្វើការរាល់ព្រឹក មើលទៅងាយស្រួល តែមិនងាយស្រួលនោះឡើយ។ ស្លៀកយ៉ាងម៉េចឲ្យស្អាត តែមើលទៅមិនហួសហេតុ មិនមែនអ្នកណាក៏ដឹងនោះទេ។ ដើម្បីកុំឲ្យមានកំហុស សម្លៀកបំពាក់សូមមើលចំណុចខាងក្រោម។

១. អាវស្ដើង លេចលើ លេចក្រោម

ប្រភេទអាវស្បៃ មើលធ្លុះខាងក្នុង លេចមុខ លេចក្រោយ មិនមែនជាជម្រើសសមរម្យដើម្បីស្លៀកទៅការិយាល័យឡើយ គឺសមស្លៀកទៅដើរលេងច្រើនជាង។ យើងគួរប្រើប្រាស់ អាវក្រាស់ ប្រវែងសមរម្យ។

២. ហាមដាច់ខាត អាវ croptop

អាវ croptop ប្រភេទដៃស្ដើង២ ខើចចង្កេះ រឹបរាងខ្លាំងគឺមិនសមស្របពាក់ទៅកន្លែងធ្វើការសោះតែម្ដង។ ទោះបីជាអ្នកចង់ស្លៀកពាក់ឲ្យស្រួលខ្លួនយ៉ាងណា ក៏ត្រឹមអាវយឺតបានហើយ មិនគួរប្រើដល់ croptop នោះទេ។

៣. ខោរហែក ម៉ូដច្រើនពេក

ប្រភេទខោខូវប៊យរហែកជង្គង់ មានព្រុយ មើលទៅស្អាត និងទាន់សម័យក៏ពិតមែនតែមិនសម្លៀកបំពាក់ស័ក្ដិសមនឹងការិយាល័យឡើយ។ ជំនួសមកវិញអ្នកអាចប្រើខោខូវប៊យធម្មតា ឬខោក្រណាត់ ដោយមិនមានក្បាច់រញ៉េរញ៉ៃពេក។

៤. មិនគួរស្លៀកសំពត់ខ្លីលើជង្គង់

ការិយាល័យធ្វើការមិនមែនជាកន្លែងសម្រាប់បង្អួតសាច់ និងរាងនោះទេ។ ស្លៀកដូចនេះ មិនត្រឹមតែមិនសមរម្យនោះទេ ថែមទាំងអាចត្រូវគេវាយតម្លៃថាមិនល្អទៀត។

៥. ពាក់ស្បែកជើងផ្ទាត់ ស្បែកជើងជំពាម

ស្បែកជើងផ្ទាត់ និងជំពាមគឺងាយស្រួលពាក់ មិនធ្វើឲ្យហប់ ក៏ដូចជាធំក្លិនជើង។ ប៉ុន្តែបើអ្នកចង់ស្រួលខ្លួនពេក នៅផ្ទះតែម្ដងទៅ មិនបាច់ទៅធ្វើការទេ។ យើងអាចប្រើស្បែកជើងកែងទាបៗ ឬប៉ាតាក៏បាន៕