ធ្វើបែបនេះមុនពេលចូលគេង អ្នកនឹងស្រកគីឡូដូចចិត្ត

2019-08-09 11:00:00
ចំនួនមតិ 0 | ចំនួនចែករំលែក 0

ក្នុងអំឡុងពេលដែលអ្នកគេងនៅពេលយប់ រាងកាយអាចដុតបំផ្លាញកាឡូរី ចន្លោះពី ៣០០-៤០០។ វាស្មើនឹង ការរត់ចម្ងាយក្នុងរយៈពេលមួយម៉ោង។ អ្នកជំនាញបានបញ្ជាក់ទៀតថា ការគេងឲ្យបានគ្រប់គ្រាន់ត្រឹមត្រូវ ពិតជាអាចធ្វើឲ្យអ្នកស្រកគីឡូ មិនចាញ់ការធ្វើលំហាត់ប្រាណឡើយ។ ប៉ុន្តែវាវិធីមួយចំនួន ដែលអ្នកគួរអនុវត្តមុនពេលចូលគេង ដើម្បីទទួលបានប្រសិទ្ធភាពជាក់ស្ដែង។

១. សីតុណ្ហភាពត្រជាក់

បើអ្នកគេងបើកម៉ាស៊ីនត្រជាក់ គួរកំណត់សីតុណ្ហភាពត្រឹម១៨អស្សា ដើម្បីជួយដល់ប្រព័ន្ធរំលាយអាហារ។ ពេលដែលអ្នកគេងដោយគ្មានសម្លៀកបំពាក់ ឬក្នុងបន្ទប់ត្រជាក់មួយ រាងកាយនឹងចាប់ផ្តើម ដុតបំផ្លាញថាមពល ដើម្បីរក្សាកម្ដៅ។ នេះជាមូលហេតុ ដែលអ្នកមើលឃើញខ្លួនឯងស្គមជាងមុននៅពេលព្រឹក។

២. ផឹកទឹកទំពាំងបាយជូរ

ពិសេសណាស់ ព្រោះទឹកទំពាំងបាយជូរមានសារធាតុម្យ៉ាងឈ្មោះថា resveratrol ដែលមានតួនាទីដុតបំផ្លាញកាឡូរីបានយ៉ាងល្អ។ ពេលអ្នកផឹកមួយកែវមុនពេលចូលគេង វានឹងបណ្តេញខ្លាញ់អាក្រក់ចេញពីក្នុងខ្លួន មិនឲ្យនៅកកស្ទះ។ ត្រូវផឹកទឹកទំពាំងបាយជូរស្រស់ៗ ដែលគ្មានជាតិស្ករ មិនមែនផលិតផលវេចខ្ចប់កែច្នៃនោះទេ។

៣. ចូលគេងនិងភ្ញាក់ឡើងឲ្យទៀងម៉ោង

ការចូលគេងនិងភ្ញាក់មិនទៀតម៉ោង នឹងធ្វើឲ្យអ្នកឡើងទម្ងន់ដោយមិនដឹងខ្លួន។ ជាទូទៅ អ័រម៉ូនម្យ៉ាងឈ្មោះថា មេតាឡូនីន ប្រៀបបានដូចជាឧបករណ៍ដើម្បីប្រាប់ឲ្យអ្នកចូលគេង។ វាក៏មាននាទីជួយដុតបំផ្លាញកាឡូរីផងដែរ។ ប៉ុន្តែបើអ្នកមិនចូលគេងនិងភ្ញាក់ឡើងទៀងម៉ោង វាអាចបង្កផលប៉ះពាល់ដល់ការផលិតអ័រម៉ូនមួយរួមទាំងដំណេករបស់អ្នកផងដែរ។ នៅពេលព្រឹក អ្នកច្បាស់ជាមានអារម្មណ៍ថា ហេវហត់អស់កម្លាំង និងឃ្លានតែអាហារដែលមានកាឡូរីខ្ពស់ ដើម្បីបង្កើនថាមពល។

៤. មិនចុចទូរសព្ទ

ភ្លើងពណ៌ខៀវ ដែលចាំងចេញពីទូរសព្ទ អាចរំខានដល់ដំណេក និងធ្វើឲ្យការផលិតអ័រមូនមេតាឡូនីនយឺតជាងមុន។ គួរបញ្ឈប់ការចុចទូរសព្ទ ឲ្យបានពីរម៉ោងមុនពេលចូលគេង ហើយជំនួសមកវិញដោយការអានសៀវភៅទើបល្អ។

៥. ញ៉ាំអាហារសម្រន់ដែលមានប្រូតេអ៊ីនខ្ពស់

វាមិនទាស់អីឡើយ គ្រាន់តែញ៉ាំអាហារមុនពេលចូលគេង ព្រោះវាប្រភេទអាហារសម្រន់ ដែលមានប្រូតេអ៊ីនខ្ពស់ ក្នុងរួមមាន យ៉ាអួរ បឺរ សណ្តែកដីឬគ្រាប់ធញ្ញជាតិជាដើម។ របស់ទាំងនោះ អាចជួយសម្រួលដល់ប្រព័ន្ធរំលាយអាហារ និងធ្វើឲ្យសាច់ដុំរឹងមាំ។

៦. ផឹកតែផ្សំពីរុក្ខជាតិ

មានតែជាច្រើនដែលដាក់លក់លើទីផ្សារ ហើយសរសេរថា អាចជួយឲ្យអ្នកស្រកគីឡូដូចចិត្ត ប៉ុន្តែចំណុចនេះ ចង់សំដៅទៅលើប្រភេទតែដែលផ្សំចេញពីរុក្ខជាតិធម្មជាតិ ដែលអាចជំនួយដល់សុខភាពនិងធ្វើឲ្យរាងស្លីមស្អាត។ ក្នុងនោះមានដូចជា តែជីអង្កាម តែ chamomile....៕