ចង់ស្អាតដូច Fan Bingbing អត់ពិបាកអីតិច ថែស្បែកតែ២៨ជំហានប៉ុណ្ណោះ
- 2019-08-06 03:05:00
- ចំនួនមតិ 0 | ចំនួនចែករំលែក 0
ចង់ស្អាតដូច Fan Bingbing អត់ពិបាកអីតិច ថែស្បែកតែ២៨ជំហានប៉ុណ្ណោះ
ទោះបីជាឈានចូលវ័យ៣៧ឆ្នាំទៅហើយ តែស្បែករបស់កំពូលតារាសម្ដែងស្រីចិន Fan Bingbing ធ្វើឲ្យស្រីក្រមុំសុំខ្មាស ក៏ដោយសារការព្យាយាមថែទាំស្បែកទាំងព្រឹក ទាំងល្ងាចរបស់នាងដែរ។
ជាយូរលង់មកហើយ អ្នកណាៗក៏ដឹងដែរថា តារាសម្ដែងស្រីជួរមុខចិន Fan Bingbing គឺជាសិល្បការិនីដែលមានស្បែកសស្អាតដូចព្រិល។ ដោយសារតែកត្តានេះហើយ ទើបស្រីស្អាតវ័យ៣៧ឆ្នាំនៅតែជាតំណាងរបស់ម៉ាកគ្រឿងសំអាងល្បីពិភពលោកយ៉ាងច្រើន។
យ៉ាងណាក្ដី ដើម្បីរក្សារបស់ខ្លួនឲ្យនៅក្មេងជាងវ័យបែបនេះគឺមិនមែនជារឿងងាយស្រួលឡើយ ដោយនៅក្នុងជំនួបជាមួយបណ្ដាញព័ត៌មានកាលពីពេលថ្មីនេះ តួរឿង ព្រះនាងយេយេ បានបង្ហើបថា នៅក្នុងមួយថ្ងៃ នាងត្រូវប្រើផលិតផលថែរក្សាស្បែករហូតដល់ទៅ២៨ជំហាន ដោយមាន១៣ជំហាននៅពេលព្រឹក និង១៥ជំហានទៀតនៅពេលយប់។
នៅពេលព្រឹក នាងប្រើហ្វូមលាងមុខអត់ពពុះ សេរ៉ូមប្រហែល៥ ៦មុខ និងគ្រីមបន្តឹងស្បែក បន្ទាប់មកបិទម៉ាស២០នាទី។
សម្រាប់ពេលយប់វិញ ក៏ស្រដៀងគ្នា តែនាងលាងមុខ៣ជំហាន ដើម្បីឲ្យជ្រះគ្រឿងសំអាងអស់ ហើយបិទម៉ាសចំនួន២០នាទីដដែរ។ រាជិនីកម្រាលព្រំក្រហមបន្ថែមថា បើមានពេល នាងព្យាយាមបិទម៉ាសឲ្យបាន២ដងក្នុង១ថ្ងៃ ដូចនេះនាងប្រើម៉ាសប្រហែល៦០០សន្លឹកក្នុង១ឆ្នាំ។
ស្រីស្អាតបានបន្ថែមថា ក្រោយពេលឈានចូលវ័យ៣០ឆ្នាំ គឺនាងត្រូវប្រើសេរ៉ូមការពារជ្រួញជាចាំបាច់ ដោយមិនដែលអាក់ខានមួយថ្ងៃឡើយ។ នាងក៏ប្រើម៉ាសដីឥដ្ឋដូចគ្នា ដើម្បីស្រូបជាតិពុលចេញពីស្បែក៕
ចុចអាន៖ មុខគ្មានស្នាមជ្រីវជ្រួញ ដោយវិធីម៉ាស្សាមុនពេលចូលគេងងាយៗ