វក់រឿង Avengers ខ្លាំងពេក កូនកំលោះចិនតែងខ្លួនជា Thanos ទៅទទួលកូនក្រមុំ
- 2019-05-21 02:15:00
- ចំនួនមតិ 0 | ចំនួនចែករំលែក 0
វក់រឿង Avengers ខ្លាំងពេក កូនកំលោះចិនតែងខ្លួនជា Thanos ទៅទទួលកូនក្រមុំ
ដោយសារតែស្រលាញ់កំពូលខ្សែភាពយន្តអាមេរិក Avengers ខ្លាំងពេក កូនកំលោះចិនម្នាក់បានតែងខ្លួនជាតួអង្គនៅក្នុងរឿងនេះដើម្បីទៅទទួលកូនក្រមុំរបស់ខ្លួន។
មុននេះបន្តិច បុរសម្នាក់មកទីក្រុង Sanmenxia ខេត្ត Henan ប្រទេសចិន បានបង្ករការចាប់អារម្មណ៍យ៉ាងខ្លាំងនៅពេលតែងខ្លួនជាតួ Thanos ក្នុងខ្សែភាពយន្តអាមេរិក Avengers ដើម្បីទៅទទួលកូនក្រមុំរបស់ខ្លួន នៅក្នុងថ្ងៃរៀបការរបស់លោក។
អ្វីដែលរឹតតែគួរឲ្យចាប់អារម្មណ៍ទៀតនោះ មិនមែនមានតែកូនកំលោះនោះទេ ដែលតែងខ្លួនជាតួក្នុងភាពយន្តល្បីឈ្មោះនេះ ព្រោះអ្នកកំដរខាងប្រុសទាំងអស់គឺសុទ្ធតែតែងខ្លួនជាតួក្នុងរឿងខាងលើដូចគ្នា។ នៅពេលខាងប្រុស បើកទ្វារចូលទទួលកូនក្រមុំ បានធ្វើឲ្យកូនក្រមុំ និងអ្នកកំដរបស់នាង ភ្ញាក់ផ្អើល និងស្រែកយ៉ាងខ្លាំង។ គួរបញ្ជាក់ផងដែរថា វគ្គចុងក្រោយនៃរឿង Avengers នេះទទួលបានប្រជាប្រិយភាពយ៉ាងខ្លាំងនៅប្រទេសចិន ដោយវាបានបំបែកកំណត់ត្រារបស់រឿងមុនៗទាំងអស់ពីការរកចំណូល៕