រឿងផ្តល់យោបល់ស្នេហាឲ្យមិត្តភ័ក្កិពូកែលេខ១ តែខ្លួនឯងវិញរកសង្សារម្នាក់មិនបានទៅវិញ

2019-04-12 06:00:00
ចំនួនមតិ 0 | ចំនួនចែករំលែក 0

ប្រើពេលប្រឹក្សាយោបល់ឲ្យមិត្តភ័ក្ដិតាំងពីរបៀបសាងសង ផ្ដោះផ្ដងវាចា និងធ្វើយ៉ាងម៉េចកុំច្រណែន ប្រចណ្ឌគ្នា តែខ្លួនឯងវិញ រកស្នេហាមួយធ្វើថ្នាំមិនបាន។

រូបតំណាង

អ្នកអត់គូភាគច្រើន នៅពេលត្រូវសួរថាហេតុអីពូកែប្រឹក្សាស្នេហា តែនៅតែគ្មានគូនឹងគេ ពួកគេតែងយកលេសថា គ្រូបង្វឹកមិនដែលចេញប្រកួតឡើយ។ ជីវិតមានរឿងចម្លែកច្រើន អ្នកខ្លះចំណាយពេលស្ដាប់គេនិយាយរឿងលួចស្រលាញ់គេ ឡើងគេបានគ្នាជាគូហើយ តែខ្លួននៅតែទៅមកតែឯងដដែល។

តាមការពិតគ្មានអ្វីចម្លែកដែរ ដោយសារតែយើងជាអ្នកក្រៅ យើងមើលធ្លុះចំណុចល្អ ចំណុចអាក្រក់របស់ភាគីទាំងសងខាង ដូចនេះហើយ នៅពេលយើងផ្ដល់យោបល់ទៅ វាត្រូវជាងអ្នកនៅក្នុង ដែលធ្វើសកម្មភាពដោយផ្អែកតែលើអារម្មណ៍ខ្លួនឯង។ នៅពេលយើងធ្វើទីប្រឹក្សាល្អបាន១នាក់ មិត្តភ័ក្ដិផ្សេងទៀត នឹងសម្រុកមករកយើងដើម្បីចែករំលែកដែរ។ ហើយស្រាប់តែថ្ងៃមួយ យើងភ្ញាក់ខ្លួនព្រើតថា ម៉េចក៏ខ្លួននៅអេយ៉ាងដូចនេះ?

រូបតំណាង

ដូចគេតែងនិយាយតគ្នាដែរថា អ្នកពូកែផ្ដល់ដំបូន្មាន បានតែជាមួយអ្នកក្រៅទេ បញ្ហាខ្លួនឯងដោះមិនចេញ ដូចពាក្យគេថា ដូចជាពេទ្យដែរ ជួយបានអ្នកដទៃ តែជួយខ្លួនឯងមិនបាន។ ពេលមិត្តភ័ក្ដិចេញណាត់ជួបម្ដងៗ និយាយពីថា យើងតែងខ្លួនឲ្យស្អាតដូចតារា។ ដល់ពេលខ្លួនឯង ទៅណាត់ជួបវិញ ស្លៀកពាក់មើលមិនយល់ ខោមិនខោ អាវមិនអាវ។

រូបតំណាង

តែអ្នកកុំព្រួយបារម្ភអី ព្រោះវិទ្យាសាស្ត្របានបញ្ជាក់ហើយថា នារីកាន់តែឆ្លាតវ័យ កាន់តែពិបាករកគូស្រករ ដូចនេះហើយ បើអ្នកក្រមានគូជាងគេ គឺមានន័យថា ក្នុងចំណោមមិត្តភ័ក្ដិទាំងអស់ គឺអ្នកជាមនុស្សឆ្លាតជាងគេ៕

ប្រភព៖ Guu ប្រែសម្រួល៖ Caramel