ច្បាប់ជីវិតទាំង ១១ ដែលស្រីៗត្រូវចាំ និងធ្វើឲ្យបាន

2019-03-15 05:00:00
ចំនួនមតិ 0 | ចំនួនចែករំលែក 0

បើអ្នកកំពុងតែស្វែងរកការលើកទឹកចិត្តឲ្យខ្លួនឯងដើម្បីកែប្រែចិត្តគំនិត និងរស់នៅឲ្យបានល្អប្រសើរអ្នកមិនគួរមើលរំលងច្បាប់ជីវិតដែលអ្នកគួរតែធ្វើឲ្យបានយ៉ាងហោចណាស់មួយក្នុងចំណោម ១១ចំណុចខាងក្រោមនេះឡើយ៖

១. ចំណូល កុំរកលុយដោយពឹងតែមួយច្រក។ វិនិយោគដើម្បីស្វែងរកឱកាសទីពីរ។

២. ចំណាយ បើអ្នកចំណាយលុយទិញអ្វីដែលអ្នកមិនត្រូវការ មិនយូរទេអ្នកនឹងលក់របស់ដែលអ្នកត្រូវការ។

៣. ហានិភ័យ កុំចង់ដឹងពីជម្រៅទន្លេដោយប្រើជើងទាំងពីរឲ្យសោះ។

៤. វិនិយោគ កុំដាក់ពងមានទាំងអស់ចូលក្នុងថង់តែមួយ។

៥. ការរំពឹងទុក ភាពស្មោះត្រង់ជាកាដូមួយដែលមានតម្លៃបំផុត។ កុំរំពឹងចង់បានវាពីមនុស្សអាក្រក់ឲ្យសោះ។

៦. របៀបសន្សំ កុំសន្សំលុយដែលសល់ពីការចំណាយរបស់អ្នក។ ត្រូវចាយលុយដែលសល់ក្រោយពីសន្សំហើយ។

៧. ភាពក្រីក្រ និងភាពមានបាន កាបូបលុយដែលគ្មានលុយសោះបង្រៀនអ្នកពីរាប់លានរឿងនៃជីវិត។ តែកាបូបដែលពេញដោយលុយបំផ្លាញអ្នកបានដោយរាប់លានវិធី។

៨. អនាគត ភ្នែករបស់យើងត្រូវតែមើលទៅមុនឲ្យបានឆ្ងាយ ព្រោះរូបភាពនៅខាងមុខសំខាន់ជាងការបែរខ្នងមើលមកខាងក្រោយវិញណាស់។

៩. កំហុស ពេលយើងនៅតូចយើងប្រើខ្មៅដៃ តែពេលធំឡើងយើងក៏ប្រើប៊ិចជំនួសវិញ ដឹងថាហេតុអីទេ? ព្រោះតែកំហុសកាលពីនៅក្មេងអាចលុបចោលបាន ប៉ុន្តែឥឡូវគឺមិនអាចនោះទេ។ ចូរអាន និងសរសេរឲ្យបានល្អ បើមិនចឹងទេជីវិតអ្នកនឹងក្លាយជាកម្ទេចក្រដាសមិនខាន។

១០. បច្ចុប្បន្ន បើអ្នកស្មុគស្មាញ មានន័យថាអ្នកកំពុងរស់ក្នុងអតីតកាលហើយ។ បើអ្នកព្រួយបារម្ភ មានន័យថាអ្នកកំពុងតែរស់ក្នុងពេលអនាគត។ តែបើអ្នកមានសន្តិភាព បានន័យថាអ្នកកំពុងរស់ក្នុងបច្ចុប្បន្នហើយ។ត្រូវចាំថាអតីតកាលជាក្រដាសមួយសន្លឹក បច្ចុប្បន្នជាកាសែតដែលអ្នកកំពុងអាន និងអនាគតគឺជាសំណួរ។

១១. ការដោះស្រាយជាមួយបញ្ហា នៅពេលរឿងអាក្រក់កើតឡើងក្នុងជីវិតរបស់អ្នក អ្នកមានជម្រើស៣យ៉ាងគឺ អ្នកឲ្យបញ្ហាជាអ្នកកំណត់ពីអត្តសញ្ញាណរបស់អ្នក អ្នកអនុញ្ញាតឲ្យវាបំផ្លាញអ្នក និងចុងក្រោយគឺអ្នកប្រើប្រាស់វាដើម្បីធ្វើឲ្យខ្លួនឯងរឹងមាំ៕

ចុចអាន៖ ស្រីៗបើចង់មិនចង់អង្គុយស្ដាយក្រោយ កុំយកផ្ទះបាយធ្វើជាគុកឃុំខ្លួនឯង

ប្រភព៖ bestie ប្រែសម្រួល៖ ឃួន សុលីកា