លែងពិបាកហើយ! មានវិបសាយជួយរកការងារដល់ស្រ្តីខ្មែរមិនចេះអក្សរ ឬអ្នកមានចំណេះដឹងទាប
- 2019-03-07 05:00:53
- ចំនួនមតិ 0 | ចំនួនចែករំលែក 0
លែងពិបាកហើយ! មានវិបសាយជួយរកការងារដល់ស្រ្តីខ្មែរមិនចេះអក្សរ ឬអ្នកមានចំណេះដឹងទាប
មនុស្សចាស់ ក្មេងស្រីដែលមានចំណេះដឹងទាប មិនអាចអានអក្សរបាន មិនបានចូលរៀនពិតណាស់ពួកគាត់ប្រហែលជាពិបាកនឹងស្វែងរកការងារបន្តិចហើយ ព្រោះការបិទប្រកាសមួយចំនួន ក៏ដូចជាវិបសាយជ្រើសរើសការងារតម្រូវឲ្យចេះអានទើបអាចដឹងពីព័ត៌មាននៃការប្រកាសជ្រើសរើសនោះបាន។
ប៉ុន្តែពេលនេះមិនចាំបាច់បារម្ភទៀតទេ ពួកគាត់អាចស្វែងរកការងារបានតាមរយៈ Facebook page [បង ស្រី Bong Srey - Applied Labor Jobs Cambodia ](https://www.facebook.com/pg/BongSreyCom/about/?ref=page_internal) ឬតាមរយៈវិបសាយ [bongsrey.com](https://bongsrey.com/) ក៏បាន។ វាផ្ដល់ភាពងាយស្រួលដល់អ្នកដែលមិនចេះអានអក្សរដោយគ្រាន់តែចុចស្ដាប់សំឡេងដើម្បីដឹងព័ត៌មានផ្សេងៗបាន។ ការងារដែលមានក្នុងវិបសាយក៏ដូចជាក្នុង Facebook page គឺផ្ដោតលើស្ត្រីនិងបុរសដែលមានចំណេះដឹងទាបដែលកំពុងតែស្វែងរកការងារធ្វើ ដូចជា កម្មកររោងចក្រ បុគ្គលិកសម្អាត សន្តិសុខ អ្នកមើលថែក្មេង អ្នកបើកបរ ។ ល។
កញ្ញា ខេង ធម្មី តួនាទីជាអ្នកទីផ្សារលើវិបសាយនេះបានឱ្យកញ្ញាដឹងថា "វិបសាយបងស្រីបង្កើតឡើងក្នុងគោលបំណងចង់ឲ្យស្ត្រីដែលនៅតាមបណ្ដាខេត្ត ដែលមិនសូវមានចំណេះដឹង គ្មានលទ្ធភាពចូលសាលារៀន ស្ត្រីដែលកំពុងរងការធ្វើបាប និងគាបសង្កត់ពីគ្រួសារ ឬស្វាមីឱ្យមានការងារធ្វើ និងអាចជួយខ្លួនឯងបាន"។
សូមបញ្ជាក់ផងដែរថា ការស្វែងរកការងារតាមរយៈ Facebook page និងវិបសាយ bongsrey.com នេះគឺមិនមានការគិតថ្លៃសេវាអ្វីទាំងអស់។ ហេតុនេះ សូមជួយចែករំលែក ដើម្បីជួយស្ត្រីនិងបងប្អូនខ្មែរដែលកំពុងជួបការលំបាកអាចមានការងារធ្វើទាំងអស់គ្នា៕
ចុចអាន៖ ស្រីៗបើចង់មិនចង់អង្គុយស្ដាយក្រោយ កុំយកផ្ទះបាយធ្វើជាគុកឃុំខ្លួនឯង