ច្បាស់ដូចថ្ងៃ ៥ សញ្ញាបង្ហាញឲ្យឃើញថា អ្នកលង់ស្រលាញ់គេមែនទែនហើយ
- 2019-02-18 08:00:00
- ចំនួនមតិ 0 | ចំនួនចែករំលែក 0
ច្បាស់ដូចថ្ងៃ ៥ សញ្ញាបង្ហាញឲ្យឃើញថា អ្នកលង់ស្រលាញ់គេមែនទែនហើយ
ពេលខ្លះពិបាកបែងចែកណាស់ថា អ្នកគ្រាន់តែចូលចិត្តគេជាមិត្តភ័ក្ដិធម្មតា ឬស្រលាញ់គេមែនទែនហើយ។ តែបើអ្នកមានសញ្ញាដូចខាងក្រោម គឺប្រាកដណាស់ថាស្រលាញ់គេឲ្យច្បាស់ក្រឡែតតែម្ដង។
១. មានអារម្មណ៍ថាមានសុភមង្គលពេលនៅក្បែរគេ
វិធីងាយបំផុតដើម្បីដឹងថា អ្នកស្រលាញ់គេឬអត់គឺនៅពេលនៅតែ២នាក់ តើអ្នកមានអារម្មណ៍ក្ដុកក្ដួលដែរឬអត់។ បើកំពុងតែនិយាយគ្នា ហើយគេគ្រាន់តែញញឹម អ្នកក៏សប្បាយចិត្តនោះ នោះនេះគឺជាអារម្មណ៍ស្រលាញ់គេច្បាស់ណាស់
**២. អ្នករំភើបពេលទទួលសារ ឬទូរសព្ទពីគេ**
ប្រសិនបើអ្នកលោតផ្លោតៗ ពេលឃើញសារគេមកដល់ ឬពេលគេទូរសព្ទឲ្យអ្នកនោះ មិនបាច់ឆ្ងល់នោះទេ គឺអ្នកលង់នឹងគេខ្លាំងហើយ។ នៅពេលនោះដែរ ទោះបីជារវល់ខ្លាំងណា ក៏អ្នកចំណាយពេលតបសារគេវិញដែរ ផ្ទុយមកវិញ បើអ្នកធម្មតា ពេលឃើញសារគេ អ្នកគ្រាន់តែចាត់ទុកគេជាមិត្តភ័ក្ដិតែប៉ុណ្ណោះ។
៣. អ្នកមិនសប្បាយចិត្តពេលអវត្តមានរបស់គេ
នៅពេលក្រុមមិត្តភ័ក្ដិទាំងអស់ណាត់ជួបគ្នា ហើយអ្នករំពឹងថានឹងជួបគេ តែពេលដល់កន្លែង ស្រាប់តែអត់មានគេទៅវិញ អ្នកនឹងមិនសប្បាយចិត្ត។ ការដើរលេងក៏លែងរំភើបដូចមុន។ បើមានសញ្ញានេះមែននោះ កម្រិតនៃការខ្វះគេមិនបានគឺខ្ពស់ណាស់។ តែបើពេញមួយថ្ងៃ អ្នកមិនគិតពីគេសោះ នោះអ្នកទាំង២មិនមែនជាអ្វីនឹងគ្នាឡើយ។
៤. ពេលនៅក្បែរអ្នកដទៃ តែអ្នកបែរជាគិតដល់គេ
ពេលនៅជាមួយអ្នកដទៃ មិនថាប្រុសឬស្រី ហើយចាំមើលថា នៅពេលរវល់ជាមួយអ្នកផ្សេង តើអ្នកមានគិតពីគេឬអត់។ បើមែនមាននោះ អ្នកជាប់អន្ទាក់ស្នេហ៍គេហើយ។
៥. ពេលទទួលព័ត៌មានអ្វីមួយ មនុស្សទី១ដែលអ្នកគិតដល់គឺគេ
មិនថាជាដំណឹងល្អ ឬអាក្រក់ អ្នកតែងចង់ចែករំលែកវាជាមួយគេមុនគេ។ ឧទាហរណ៍អ្នកទទួលបានចំណាត់ថ្នាក់ខ្ពស់ ឬសម្ភាសន៍ការងារជាប់ អ្នកនឹងប្រាប់គេមុនគេ។ នេះបញ្ជាក់ថា គេមានតំណែងដ៏សំខាន់មួយនៅក្នុងបេះដូងអ្នក៕
ចុចអាន៖លក្ខណៈពិសេស ៦យ៉ាងនៃមនុស្សស្រីដែលធ្វើឲ្យមនុស្សប្រុសលង់ស្នេហ៍បានដោយងាយ