មនុស្សស្រីស្អាត ហើយឆ្លាតយ៉ាងណាក៏ដោយ គួរដឹងចំណុចទាំងនេះទុកក្នុងចិត្ត
- 2018-12-11 09:00:00
- ចំនួនមតិ 0 | ចំនួនចែករំលែក 0
មនុស្សស្រីស្អាត ហើយឆ្លាតយ៉ាងណាក៏ដោយ គួរដឹងចំណុចទាំងនេះទុកក្នុងចិត្ត
មនុស្សស្រីកើតមកហែហមជាមួយនឹងភាពទន់ខ្សោយតាំងពីកំណើត ប៉ុន្តែការឆ្លងកាត់នូវរឿងរ៉ាវជាច្រើនក្នុងជីវិត បានធ្វើឲ្យនាងក្លាយទៅជាមនុស្សរឹងមាំខ្លាំងលើសពីធម្មតា។ មូលហេតុគឺដោយសារតែនាង ជាមនុស្សស្រីឆ្លាត និងបានស្វែងយល់ពីចំណុចសំខាន់ៗ ដើម្បីជួយសង្រ្គោះខ្លួនឯងពេលជួបបញ្ហា និងមានភាពរឹងមាំបន្តទៅទៀត។
ទោះគ្មាននរណាម្នាក់ជួយនាង ក៏នាងនៅតែអាចងើបឈរយ៉ាងរឹងប៉ឹង បានដោយខ្លួនឯង។
មនុស្សប្រុសអាចប្រើពាក្យកុហកដើម្បីលួងលោមចិត្តមនុស្សស្រី ប៉ុន្តែពួកគេអាចយកឈ្នះចិត្តនាងបាន លុះត្រាតែមានបេះដូងស្មោះពិតប្រាកដ។
រដូវផ្ការីកនឹងកន្លងផុតទៅផ្លាស់ចូលរដូវថ្មីនៅពេលណាមួយ ប៉ុន្តែរដូវផ្ការីកក្នុងចិត្តមនុស្សស្រី គួរមានជាប់ខ្លួនមិនផ្លាស់ប្តូរ។
នាងមិនសញ្ជឹងមើលមនុស្សប្រុសតែសំបកក្រៅ នាងត្រូវការមនុស្សប្រុសដែលអាចរស់នៅជាមួយគ្នាដោយសុភមង្គលពេញមួយជីវិត។
នាងមិនទិញរបស់អ្វីមួយតាមគេតាមឯងដោយបង្ខំ ឬចង់បង្អួតដាក់គ្នា គឺនាងទិញព្រោះតែត្រូវការវាប្រើប្រាស់ជាចាំបាច់។
ភាពទាក់ទាញរបស់មនុស្សស្រីមិនមែនសម្រស់ វាស្ថិតនៅលើមានភាពអង់អាចក្លាហានរបស់នាង។
បើមានមនុស្សប្រុសល្អនៅក្បែរខ្លួនព្យាយាមសុំក្តីស្រលាញ់ពីអ្នក គួររៀនបើកចិត្តផ្តល់ឱកាសដល់គេ កុំដេកទន្ទឹងគ្រាំចិត្តរង់ចាំទទួលស្នេហាពីមនុស្សដែលមិនអាចទៅរួច។
មនុស្សស្រីដែលសប្បាយរីករាយ មានស្នាមញញឹម ទោះមិនតុបតែងខ្លួន មិនពាក់គ្រឿងអលង្កាថ្លៃៗ ក៏មើលទៅស្រស់ស្អាតដែរ។
កុំកើតទុក្ខនាំឲ្យសម្រស់ចាស់ជាងវ័យ ប៉ុន្តែត្រូវមានគំនិតចាស់ទុំជាងវ័យ ទើបមិនសូវឈឺចាប់។
គិតពីសុភមង្គលនិងភាពជោគជ័យរបស់ខ្លួន តែកុំភ្លេចតបស្នងសងគុណឪពុកម្តាយផង។
កុំយករឿងអតីតកាលឲ្យក្លាយទៅជាវិប្បដិសារី សៅម៉ងគ្មានពេលល្ហែ។
ចូលដល់វ័យខ្ទង់២៥ឆ្នាំ មិនមែនជាវ័យដែលត្រូវបារម្ភពីរឿងរៀបការ ឬប្រៀបធៀបខ្លួនឯងជាមួយអ្នកដទៃឡើយ គួរផ្តោតសំខាន់លើគោលដៅដែលខ្លួនចង់បានពិតប្រាកដ។
ត្រូវស្រលាញ់ខ្លួនឯងឲ្យបានច្រើនពីមួយថ្ងៃទៅមួយថ្ងៃ រៀនរស់នៅដោយភាពរីរាយស្រស់បំព្រង៕
ចុចអានបន្ត៖