កុំបន្ទោសគេអី អ្នកទី៣ក៏មិនអាចបង្ហាញខ្លួនបានដែរ បើសង្សារអ្នកមិនអនុញ្ញាត

2018-11-25 03:57:51
ចំនួនមតិ 0 | ចំនួនចែករំលែក 0

ប្រសិនបើអ្នកគិតថា កំហុសគ្រប់យ៉ាងកើតឡើងដោយសារតែអ្នកទី៣នោះ គឺអ្នកខុសហើយ ព្រោះបើចោរស្រុកមិនបើកដៃ ចោរព្រៃមិនអាចចូលបានទេ។

ក្នុងចំណោមស្នេហាទាំង១០ដែលមានវត្តមានរបស់អ្នកទី៣ គឺធានាថាទាំង១០នោះនឹងទម្លាក់កំហុសឲ្យជនទី៣។ មិនត្រឹមតែបន្ទោសនោះទេ អ្នកខ្លះថែមទាំងជេរ និងទៅវាយគេដល់កន្លែងទៀតផង។ គេតែងមានគំនិតថា ស្នេហាមួយ ទោះខុសឬត្រូវ គឺជនទី៣តែងមានកំហុសរហូត។ បើអ្នកក៏គំនិតដូចនេះដែរ អ្នកខុសហើយ សួរថាមនុស្សស្រី២នាក់ឈ្លោះគ្នាដើម្បីប្រុសអត់ចិត្តម្នាក់ គិតថាស័ក្ដិសមឬអត់? មានការជ្រៀតជ្រែករបស់ជនទី៣កើតឡើង កំហុសដែលធំបំផុតគឺធ្លាក់លើមនុស្សប្រុស។ ហើយជនទី៣ក៏ខុសដែរ តែមិនមែនរែកកំហុសទាំងស្រុងឡើយ។

ឲ្យតែពេលជនទី៣បង្ហាញមុខក្នុងចំណងមនោសញ្ចេតនាមួយ មនុស្សប្រុសតែងយកលេសថា បើចំណីលើកដល់មាត់ហើយ មិនញ៉ាំដូចមិនត្រូវ ឬបងគ្រាន់តែយកគេលេងសើច តែស្រលាញ់អូនពិត។ លេសទាំងនេះ ពិតជាគួរឲ្យអស់សំណើចខ្លាំងណាស់ បើនិយាយដាក់ក្មេង៣ឆ្នាំ ប្រហែលវាមិនជឿផង។ តាមការពិតគឺមកពីពួកលោកឯងគ្មានមនសិការ គ្មានតម្លៃនៅក្នុងខ្លួន។ ចិត្តចង់សាកអ្វីដែលថ្មី ដោយមិនខ្វល់ពីអ្នកដែលស្រលាញ់ខ្លួនពិតប្រាកដ។

ចុះបុរសដែលគេស្មោះនឹងមួយជាមួយដៃគូគេ សួរថាពេលស្រីឲ្យដៃ គេមាននិយាយដូចអ្នកឯងឬអត់? គេមានដេកជាមួយស្រីផ្សេង ហើយទៅផ្ទះប្រាប់ថាស្រលាញ់សង្សារគេអត់? បើមនុស្សម្នាក់ស្រលាញ់យើងពិតប្រាកដហើយ ចង់ចំណីលើកដល់មាត់យ៉ាងម៉េចក៏គេមិនយកភ្នែកដែរ។ ដូចនេះហើយ មុនពេលបន្ទោសអ្នកដទៃ សូមវាយតម្លៃអ្នកដែលមានឈ្មោះថាសង្សារអ្នកមុនសិន តើគេជាមនុស្សប្រភេទណាសិន ចាំទៅវាយមនុស្សស្រីដូចគ្នាទៀត៕

ចុចអានបន្ត៖

ប្រភព៖ afamily ប្រែសម្រួល៖ Caramel