អតីតកាលជាអតីតកាល បើសង្សារសុំត្រឡប់មកត្រូវគ្នាវិញកុំព្រមឲ្យសោះ

2018-11-16 06:25:50
ចំនួនមតិ 0 | ចំនួនចែករំលែក 0

ស្នេហាមិនមែនថាចង់ចប់ គឺចប់នោះទេ ពេលមានឧបសគ្គទាល់តែភាគីម្ខាងៗខិតខំប្រឹងប្រែងស្របតាម និងបំពេញចិត្តគ្នាអស់ហើយ តែនៅតែមិនអាចស្រោចស្រង់បាន ទើបអាចបញ្ឈប់ទាំងអស់ចិត្ត។ ប្រសិនបើអ្នកជាភាគីដែលត្រូវគេបោះបង់ ហើយចុងក្រោយសង្សារចាស់បែរជាមកសុំត្រូវគ្នាវិញ សូមកុំព្រមឲ្យសោះ ព្រោះពេលគេទៅចោលអ្នក ជាការសម្រេចចិត្តលាគ្នាចុងក្រោយទៅហើយ ដូចនេះបើគាត់ចង់សុំត្រូវគ្នាវិញ កុំព្រមអី ដោយផ្អែកលើហេតុផលទាំងនេះ៖

១.មិនអាចទៅរួច

អ្នកប្រហែលជានៅតែមានអារម្មណ៍ល្អចំពោះបុគ្គលនោះ ប៉ុន្តែវាមិនអាចផ្លាស់ប្ដូរការពិតដែលថាអ្នកអាចស្រោចស្រង់ស្ថានភាពឲ្យប្រសើរឡើងវិញឡើយ។ ប្រសិនបើអ្នកចាប់ផ្ដើមម្ដងទៀតជាមួយអ្នកចាស់ អ្នកអាចទទួលលទ្ធផលដដែល។

២.ប្រៀបដូចដាក់អម្រែកចុះពីស្មា

អនុស្សាវរីយ៍ចាស់ៗត្រូវបានលាបពណ៌ជាថ្មីហើយ។ បញ្ហាគឺថាពេលអ្នកសម្រេចចិត្តត្រលប់ទៅរកគូស្នេហ៍ចាស់វិញ អ្នកប្រៀបបាននឹងលែកឥវ៉ាន់ចាស់ៗមកដាក់លើស្មានាំតែធ្ងន់ម្ដងទៀត។ បើអ្នកបានជាដាក់ចុះហើយ សូមកុំយកវាត្រឡប់មកវិញ ព្រោះអម្រែកមួយនោះអាចធ្ងន់លើសពេលមុនដាក់ចុះលើកដំបូងផងក៏មាន។

៣.បាត់បង់ជំនឿចិត្ត

អ្នកសាកគិតដល់ថ្ងៃដែលគាត់បោះបង់អ្នកចោលដោយគ្មានស្ដាយស្រណោះអ្វីបន្តិចមក តើអ្នកពិតជាមានជំនឿចិត្តថាដើរផ្លូវរួមគ្នាបានយូរអង្វែងទៀតដែរអត់។ ប្រសិនអ្នកគ្មានភាពជឿជាក់ត្រង់ចំណុចនេះ អ្នកនឹងត្រូវឈឺចាប់ជាថ្មី ហើយការឈឺចាប់ម្ដងនេះ ឈឺជាងពេលមុនទៅទៀត។

៤.មានការប្រុងប្រយ័ត្នគ្រប់ពេល

បែកគ្នាលើកមុនគាត់អាចនឹងទៅមានអ្នកថ្មីចោលអ្នក តើអ្នកហ៊ានប្រាកដចិត្តទេ ថាគូស្នេហ៍ចាស់មិនធ្វើរឿងដដែលបែបនោះម្ដងទៀត។ បើអ្នកជម្នះទាក់ទងគ្នាវិញ អ្នកនឹងរស់នៅដោយប្រុងប្រយ័ត្ន ដោយខ្លាចគាត់ទាក់ទងនារីនេះ នារីនោះ។

៥.តាមចិត្តគេម្ដងទៀត

លើកនេះអ្នកអាចនឹងរឹតតែហត់ ព្រោះត្រូវកែតម្រូវខ្លួនសព្វបែបយ៉ាង ដើម្បីផ្គាប់ចិត្តគូស្នេហ៍ ពេលខ្លះអ្នកនឹងកែប្រែខ្លួនជ្រុល លែងជាអ្នកដូចមុន។ ដូចនេះកុំអីល្អជាង បើពិតជាស្រលាញ់អ្នកមែន ពីមុនគាត់មិនមែនបោះបង់អ្នក ព្រោះរឿងតូចតាចបែបនោះឡើយ៕

ចុចអាន៖កុំបោះបង់ខ្លួនឯងចោល បើទោះជាម្នាក់នោះលែងត្រូវការអ្នកក៏ដោយ

ប្រភព៖ elitedaily ប្រែសម្រួល៖ ទ្រី រ៉ាវី