៦វិធីដោះលែងខ្លួនឯងពីការឈឺចាប់ និងកំហឹងទាំងពួង
- 2018-10-23 05:00:00
- ចំនួនមតិ 0 | ចំនួនចែករំលែក 0
៦វិធីដោះលែងខ្លួនឯងពីការឈឺចាប់ និងកំហឹងទាំងពួង
សេចក្ដីសុខក្នុងជីវិតយើង មិនគួរផ្ញើទៅលើអ្នកដទៃនោះទេ ហើយចិត្តយើងក៏មិនគួរចេះតែបណ្ដោយឲ្យអ្នកដទៃមកធ្វើបាបឲ្យឈឺចាប់ដែរ។ ត្រូវចេះចំណាយពេលក្នុងជីវិតឲ្យបានប្រសើរ ហើយឈប់បន្តធ្វើខ្លួនឲ្យឈឺចាប់ និងវេទនាចិត្តដោយសារគេទៀតតាមរយៈវិធីខាងក្រោមនេះ៖
១. អភ័យទោសឲ្យគេ
បើមានគេធ្វើឲ្យយើងឈឺចាប់ បំភ្លេចម្នាក់នោះចោលទៅដោយជំនួសដោយការអភ័យទោស។ ការការលើកលែងឲ្យនរណាម្នាក់ដែលធ្លាប់ធ្វើបាបយើង គឺដូចជាយើងកប់គេចោលក្នុងសមុទ្រអីចឹង លែងដឹងលែងឮអីពីគេទៀតហើយ។
**២. ព្យាយាមគិតរឿងដែលល្អ**
ត្រូវព្យាយាមគិតអីឲ្យល្អចំពោះគេ និងចំពោះខ្លួនឯង។ ពេលខ្លះបើយើងអាចអាចថាគេនោះគ្មានចេតនាធ្វើវាមកលើយើងក៏បានដែរ ព្រោះបែបនេះយើងមិនសូវមានអារម្មណ៍ខឹងគេ ហើយក៏មិនសូវធ្វើឲ្យខ្លួនឯងឈឺចាប់ដែរ។ បើអាចយើងគួរគិតថាគ្មានអ្នកណាមិនដែលខុសនោះទេ ដូច្នេះបើគេធ្វើបាបចិត្តយើង ហើយយើងដឹងខ្លួនគួរតែបំភ្លេចរឿងហ្នឹងចោលទៅ ចាត់ទុកថាជួបមេរៀនជីវិតមួយចុះ។
៣. ដាក់អារម្មណ៍អាណិតម្នាក់នោះឲ្យបានច្រើន
សោកស្ដាយទៅកាន់មនុស្សដែលធ្លាប់ធ្វើឲ្យយើងឈឺចាប់ព្រោះគេបានសាងកំហុសមួយក្នុងជីវិតគេហើយ។ គួរតែយើងអាណិតគេវិញ ព្រោះថ្ងៃក្រោយគេអាចនឹងមានស្រមោលតាមលង ដោយសារគេបានធ្វើបាបមនុស្សម្នាក់ដែលមិនដែលស្អប់គេ។
៤. បង្ហាត់ចិត្តខ្លួនឯងកុំឲ្យឆាប់ទទួលរងឥទ្ធិពលពីគេ
គេធ្វើឲ្យយើងអន់ចិត្ត ឬឈឺចាប់គឺជារឿងរបស់គេ តែអ្វីដែលសំខាន់គឺយើងអាចគ្រប់គ្រងខ្លួនឯងបាន។ គេកាន់តែធ្វើឲ្យយើងឈឺ យើងកាន់តែមិនឈឺនោះហើយទើបជាជោគជ័យមួយយ៉ាងធំបំផុត។
៥. ត្រូវយល់ថាខឹងច្រើន ពិបាកចិត្តច្រើនរស់មិនបានយូរទេ
ពេលខឹង ពេលពិបាកចិត្តតើយើងបានអីមកវិញ? ក្រៅពីការយំសោក ដេកមិនលក់ បន្ទាប់មកសម្រស់ក៏ថយ អាយុក៏ខាត។ ពេលជួបរឿងបែបហ្នឹងត្រូវរំលឹកខ្លួនពីហេតុផលនេះ ហើយព្យាយាមលើកខ្លួនឯងមកវិញ។
៦. ដកដង្ហើមឲ្យវែងៗ
ព្យាយាមដកដង្ហើមឲ្យបានវែង ហើយគិតនិងសួរខ្លួនឯងថាគេជាអ្នកណា? គេមានតម្លៃអីខ្លះក្នុងជីវិតអ្នក? ហេតុអីបានត្រូវអង្គុយយំ អង្គុយខឹងគេ? កុំចំណាយពេលអង្គុយកើតទុកដោយសារគេអី គួរយកពេលរកធ្វើរឿងអីដែលល្អឲ្យខួរក្បាល និងចិត្តវិញ។
ដឹងថាជាមនុស្សពិបាកខ្លាំងណាស់ក្នុងការមិនឲ្យខឹង មិនឲ្យស្អប់ តែមុនពេលអ្នកទទួលរងអារម្មណ៍ពិបាកពីនរណាម្នាក់ត្រូវរំឭកខ្លួនឯងពីរឿងខាងលើនេះ៕
ចុចអាន៖វិធីលើកទឹកចិត្តខ្លួនឯងនៅពេលជីវិតកាន់តែស្មុគស្មាញឡើង