ធ្លាយរឿង Song Hye Kyo ចិន ឈ្លោះគ្នាយកកាំបិតចាក់ប្ដីរយះខ្នង
- 2018-10-02 02:40:35
- ចំនួនមតិ 0 | ចំនួនចែករំលែក 0
ធ្លាយរឿង Song Hye Kyo ចិន ឈ្លោះគ្នាយកកាំបិតចាក់ប្ដីរយះខ្នង
យោងតាមបណ្ដាញព័ត៌មានចិន តារាសម្ដែងស្រីល្បីឈ្មោះ Zhang Yuqi បានប្រើកាំបិតចិតផ្លែឈើវាយប្រហារប្ដីធ្វើឲ្យប្ដីនាងរយះខ្នង។
មុននេះបន្តិច បណ្ដាញព័ត៌មាន Ifeng បានឲ្យដឹងថា តារាសម្ដែងស្រីជើងចាស់ចិន Zhang Yuqi និងប្ដីបច្ចុប្បន្ន អ្នកជំនួញ Yuan Bayuan កំពុងប្រឈមមុខនឹងការប្រេះស្រាំអាពាហ៍ពិពាហ៍ហើយ។ តាមនោះដែរ កាលពីថ្ងៃទី២៤ ខែកញ្ញាកន្លងទៅនេះ ប្ដីប្រពន្ធមួយគូនេះបានឈ្លោះប្រកែកគ្នារហូតដល់ផ្ទុះអំពើហិង្សា។ លទ្ធផលនោះគឺ នៅពេលខឹងពេកទប់អារម្មណ៍មិនបាន តួរឿង “The Mermaid” បានទាញកាំបិតចិតផ្លែឈើមកចាក់ប្ដី ធ្វើឲ្យរយះខ្នង។ ប្រភពដដែលបានឲ្យដឹងថា មុខរបួសមានប្រវែងប្រមាណជាង១សម។ ប្រភពពី HKChanel បានឲ្យដឹងថា ក្រោយពេលដឹងពីដំណឹងនេះភ្លាម ប៉ូលិសបានហៅអ្នកទាំង២ទៅប៉ុស្តិ៍ដើម្បីទៅដោះស្រាយនៅល្ងាចនោះតែម្ដង។
គួរបញ្ជាក់ផងដែរថា អ្នកជំនួញរូបនេះគឺជាស្វាមីទី២របស់ Song Hye Kyo ចិនហើយ ដោយប្ដីទី១របស់នាងគឺជាអ្នកដឹកនាំរឿងម្នាក់ បានបែកគ្នាដោយសារលោកបានមានស្រីខាងក្រៅ។ ដោយសារតែទម្រង់មុខស្រដៀងនឹងកំពូលតារាសម្ដែងស្រីកូរ៉េ Song Hye Kyo ទើបជានិច្ចកាល Yuqi តែងត្រូវគេហៅថាជា Song Hye Kyo ចិន៕