តួឯកស្រីរឿង “ប្រវត្តិបិសាច” បែករាងខ្លាំងក្នុងវ័យ៥១ឆ្នាំ
- 2018-09-14 03:12:02
- ចំនួនមតិ 0 | ចំនួនចែករំលែក 0
តួឯកស្រីរឿង “ប្រវត្តិបិសាច” បែករាងខ្លាំងក្នុងវ័យ៥១ឆ្នាំ
បង្ហាញខ្លួនញ៉ាំអីនៅផ្លូវ អតីតកំពូលតារាសម្ដែងហុងកុង Joey Wong បង្ហាញរាងទ្រុឌទ្រោមខ្លាំងនៅក្នុងវ័យជាងហាសិប។
កាលពីថ្ងៃទី១២ ខែកញ្ញាកន្លងទៅនេះ រូបភាពអតីតតារាសម្ដែងលំដាប់ A ហុងកុង កំពុងទទួលទានអាហារនៅភោជនីយដ្ឋានមួយ ក្នុងប្រទេសកាណាដា ជាមួយមិត្តប្រុសត្រូវបានបង្ហោះពេញបណ្ដាញសង្គម Weibo។ តាមគណនីដែលបង្ហោះរូបនេះ បានឲ្យដឹងថា តួរឿង “Chinese Ghost Story” បានហូបបួសជាច្រើនឆ្នាំមកហើយ។ យ៉ាងណាក្ដី ទោះបីជាគ្រាន់តែហូបបន្លែ និងតៅហ៊ូក៏ដោយ តែសិល្បការិនីវ័យ៥១ឆ្នាំ នៅតែឡើងគីឡូឡើងវិលមុខ។
ជាក់ស្ដែង នៅក្នុងរូបនេះគេសង្កេតឃើញថា នាងបានបែករាងយ៉ាងខ្លាំង តែគេចាប់អារម្មណ៍ឃើញថានាងនៅតែរីករាយក្បែរមិត្តប្រុសរបស់ខ្លួន។ ជាច្រើនឆ្នាំមកនេះ Joey Wong ចាប់ផ្ដើមចាស់ខ្លាំង និងបានពឹងពាក់ដល់ការកែសម្ផស្សដើម្បីអូសទាញភាពវ័យក្មេង តែនៅតែមិនបានសម្រេច ថែមទាំងអាក្រក់ជាងមុនទៀតផង៕